Талоши Узбакистон барои равнақи саноъати гардишгарӣ

Давлати Узбакистон нахустин нишасти гардишгарии ин кишвар мавсум ба "Кашфи Узбакистон" (Discovering Uzbekistan)-ро дар фурудгоҳи байналмиллалии шаҳри Самарқанд баргузор кард.

Ба гузориши хабаргузории Форс, дар Тошканд дар ин нишаст бо ҳамкории Вазорати умури хориҷаи Узбакистон, намояндагони ширкатҳои ҳавопаймоии байналмиллалӣ, ожонси гардишгарӣ, дипломатҳо, намояндагони вазоратхонаҳо ва идораҳо ва расонаҳои гуруҳҳии ин кишвар ширкат карданд.

Ҷураева, раиси ширкати саҳомии Узбакистон эрпуртез дар ин нишаст гуфт: Ҳадаф аз баргузории ин нишаст муъаррифии имконоти гардишгарӣ, ҷозибаҳои гардишгарии Узбакистон барои гардишгарони хориҷӣ, имконоти фурудгоҳҳои Узбакистон ва барномаҳои афзоиши теъдод ва парвозҳо ба кишварҳои Аврупо, Осиё ва арабӣ аст.

Ба гуфтаи Ҷураева ҳар яке аз устонҳои Узбакистон ва шаҳрҳои ҳамчун Самарқанд, Бухоро пур аз ҷозибаҳои гардишгарӣ, зиёратгоҳҳо ва маконҳои диданӣ ҳастанд.

Дар ин нишаст ҳамчунин намояндагони ширкатҳои гардишгарии минтақаҳои мухталифи Узбакистон, ҷозибаҳои гардишгарии минтақаҳои худро рунамоӣ ва аз гардишгарони дохили ва хориҷи барои сафар ба манотиқи худ даъват карданд.