Оё зуҳӯри ҳазрати Маҳдӣ ва ҳазрати Исо ба зулм поён медиҳад ?

Порс тудей - Адёни иброҳимӣ ба омадани мунҷӣ ва поёни зулм бовар доранд ; ислом , масеҳият ва яҳудият ҳар се ваъда додаанд ки дар охируззамон , шахси илоҳӣ бо ёрии Худованд , ҷаҳонро аз ситам пок карда ва адолатро барқарор хоҳад кард .

Зуҳӯри ҳазрати Маҳдӣ ( алайҳиссалом ) ва ҳазрати Исо ( алайҳиссалом ) дар охируззамон аз муҳимтарин боварҳои мусулмонон аст ки дар Қуръони Карим ва аҳодиси аҳли байти Паёмбари ислом ба вузӯҳ ишора шудааст . Ҳамчунин , дар китобҳои муқаддаси яҳудӣ ва масеҳӣ низ пешбиниҳоӣ дар мавриди зуҳӯри фарде, ки адлу инсофро барқарор мекунад , вуҷӯд дорад . Дар ин матлаб аз Порс тудей ба ин савол посух медиҳем ки оё бо зуҳӯри ҳазрати Маҳдӣ ва ҳазрати Исо зулмҳо ва ситамҳо ба поён мерасад ?

 1 . Қуръони Карим ва зуҳӯри ҳазрати Маҳдӣ

Дар Қуръони Карим , агарчӣ ба таври хос аз ҳазрати Маҳдӣ номи бурда нашуда , аммо оётӣ вуҷӯд дорад ки нишондиҳанда ваъдаи илоҳӣ барои барпои адолати ҷаҳонӣ ва поёни зулм ва фасод ҳастанд . Яке аз ин оёт , ояи 55 сӯра Нур аст :

 «وَعَدَ اللَّهُ الَّذِینَ آمَنُوا مِنْکُمْ وَعَمِلُوا الصَّالِحَاتِ لَیَسْتَخْلِفَنَّهُمْ فِی الْأَرْضِ کَمَا اسْتَخْلَفَ الَّذِینَ مِنْ قَبْلِهِمْ وَلَیُمَکِّنَنَّ ل...َٰلِکَ فَأُو۟لَـٰٓئِکَ هُمُ الْفَاسِقُونَ»  

Тарҷума : « Худованд ба касоне аз шумо ки имон оварда ва  амали солеҳ анҷом додаанд ваъда медиҳад ки онҳоро дар замин хилофат диҳад , ҳамон тавр ки касонеро ки пеш аз онҳо буданд хилофат доду динашонро ки барои онон писандидааст ба онҳо мустақар хоҳад сохт ва пас аз хавфу тарсашон амниятро ба ҷои он қарор медиҳад . »

2 . Ривоёти аҳли байти Паёмбари исломи перомуни ҳазрати Маҳдӣ

Дар ҳадисҳои мутавотир аз Паёмбари исломи (с) омадааст ки ҳазрати Маҳдӣ ҳамроҳ бо ҳазрати Исо дар охируззамон хоҳад омад то адолатро барқарор кунаду зулму фасодро аз байн бибарад . Яке аз маърӯфтарини ин аҳодис аз Паёмбари ислом аст ки фармӯдаанд :

«لو لم یبقَ من الدهر إلا یوم لبعث الله رجلاً من أهل‌بیتی یملأها قسطاً و عدلاً کما ملئت جوراً و ظلماً» 

( Сунани аби Довӯд : 4 / 106 / 4282 ) агар ҷуз як рӯз аз дунё боқӣ намонда бошад , Худованди мардӣ аз аҳли байти манро мефиристад ки заминро пур аз адл ва инсоф кунад ҳамон тавр ки пур аз зулму ҷавр шудааст .

3 . Ривоёти мутуни исломӣ дарбора зуҳӯри ҳазрати Исо

Бозгашти ҳазрати Исо аз вақоёи қатъии даврони зуҳӯри Имом Меҳдӣ аст ки мусулмонон ба он бовар доранд . Қуръон дар сӯраи Нисо оёти 157 ва 158 иддаои кушта шудани ҳазрати Исоро рад мекунад ва чунин мегуяд :

 «وَقَوْلِهِمْ إِنَّا قَتَلْنَا الْمَسِیحَ عِیسَى ابْنَ مَرْیَمَ رَسُولَ اللَّهِ وَمَا قَتَلُوهُ وَمَا صَلَبُوهُ وَلَٰکِنْ شُبِّهَ لَهُمْ وَإِنَّ الَّذِینَ اخْتَلَفُوا فِیهِ لَفِی شَکٍّ مِّنْهُ مَا لَهُمْ بِهِ مِنْ عِلْمٍ إِلَّا اتِّبَاعَ الظَّنِّ وَمَا قَتَلُوهُ یَقِینًا بَلْ رَفَعَهُ اللَّهُ إِلَیْهِ وَکَانَ اللَّهُ عَزِیزًا حَکِیمًا»

Тарҷума : « Ва гуфтанд : Мо Масеҳи Исо бен Марям , Паёмбари Худоро куштем , дар ҳоле ки на ӯро куштанд ва на ӯро ба салиб кашиданд , балки барои онони ин тавр ҷилва дода шуду касоне ки дар он ихтилоф карданд дар он шак доранд , онҳо ҳеҷ илмӣ дар ин бора надоранд , ҷуз пайравӣ аз гумон ва яқинан ӯро накуштанд , балки Худованд ӯро ба сӯйи худ боло бурд . »

Ҳамчунин дар сӯраи Нисо ояи 159 омадааст :

  «وَإِنْ مِنْ أَهْلِ الْکِتَابِ إِلَّا لَیُؤْمِنَنَّ بِهِ قَبْلَ مَوْتِهِ وَیَوْمَ الْقِیَامَةِ یَکُونُ عَلَیْهِمْ شَهِیدًا»؛ 

Тарҷума : « Аз аҳли китоб аҳадӣ нест магар он ки пеш аз маргаш ба Исо имон меовараду Исо дар қиёмат бар онҳо шоҳидаст » . Тибқи назари муфассирони Қуръон мубтанӣ бар ривоёти Паёмбари ислом , ҳазрати Исо қабл аз даврони қиёмат ба дунё боз мегардад , пас ҳеҷ қавмӣ боқӣ намемонад магари инки ба эшон имон меоварад . Ҳамчунин ҳазрати Исо пас аз бозгашт , ҳазрати Маҳдиро барои мубориза бо зулм ҳамроҳӣ мекунад .

4 . Тавроту Инҷил

Дар китоби муқаддаси Яҳудёну Масеҳиён низ ишораҳоӣ ба зуҳӯри як мунҷии ҷаҳонӣ вуҷӯд дорад ки адолатро барқарор хоҳад кард . Дар Инҷил , ба вижа дар китоби Мукошифа Юҳно (مکاشفهٔ یوحنا،) , ишора шудааст ки Исои Масеҳ ба замини бозхоҳад гашт то ҳукӯмати Худовандро барқарор кунаду зулму фасодро аз байн бибарад . Дар Таврот низ , пешбиниҳоӣ дар мавриди зуҳӯри мунҷӣ дар охирузамон вуҷӯд дорад ки бо омаданаш , адолат дар замин барқарор хоҳад шуд .