Ройзании мақомоти ҷумҳурии Тоҷикистону Озарбойҷон

Мақомоти Ҷумҳурии Тоҷикистон ва ҷумҳурии Озарбойҷон роҳҳои афзоиши сармоягузориро баррасӣ карданд.

Сафири Тоҷикистон дар ҷумҳурии Озарбойҷон бо вазири муҳити зисту манобеи табиии ҷумҳурии Озарбойҷон, ҳамзамон раиси ҷадиди комиссияи байнидавлатии ҳамкориҳои иқтисодӣ байни Тоҷикистону Озарбойҷон дидору гуфтугӯ кард.

Дар ин дидор дар бораи мавзуи танзими ҷаласаи ояндаи комиссияи байнидавлатӣ, раванди иҷрои тавофуқоти бадастомада ва густариши ҳамкориҳои дуҷониба дар заминаҳои тиҷориву иқтисодӣ, сармоягузорӣ, фарҳангӣ ва мавзуоти башардӯстона, ҳамлунақл ва транзит баҳс шуд.