Поёни бозсозии бемористони ноҳияи Турсунзодаи Тоҷикистон

ЮНИСЕФ ва Иттиҳоди Аврупо дар қолиби барномаи тавсеаи саломати Тоҷикистон, бемористони бозсозишудаи шаҳри Турсунзодаро ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон таҳвил доданд.

Навсозии таъсисоти обрасонӣ, беҳдоштӣ ва дафъи партобҳои пизишкӣ дар бахши бемориҳои сироятии бемористони марказии Турсунзода дар чорчӯби барномаи тавсеаи беҳдошт дар Тоҷикистон бо буҷети Иттиҳоди Аврупо такмил шуд.

Ҳамчунин дар чорчӯби тарҳи навсозӣ дар ростои ҳимоят аз хадамоти пизишкии бокайфият, таҷҳизоти озмоишгоҳӣ ва малзумоти пизишкии лозим дар ибтидои соли ҷорӣ таъмин шуд то ин муассиса битавонад хадамоти дармонии ҷомеъеро ба мардум ироа кунад.

Дар маросими таҳвили бемористон Абдухолиқ Амирзода, муовини вазири тандурустии Тоҷикистон, сафири Иттиҳоди Аврупо ва муовини намояндаи ЮНИСЕФ дар Тоҷикистон ҳузур доштанд.

Бемористони марказии Турсунзода як муассисаи пизишкии муҳим дар Тоҷикистон аст, ки ахиран аз назари зерсохтҳои дафъи партобҳои пизишкӣ ва муҷаҳҳаз ба таҷҳизоти пизишкии ҳаётӣ беҳбуди ҳадафманд шудааст. Навсозӣ бар рӯйи манотиқи калидии бемористон, аз ҷумла бахшҳои атфолу бузургсолон, утоқи рахтшўӣ ва сервисҳои беҳдоштӣ мутамаркиз шуд то итминон ҳосил шавад, ки беморону коркунон ба имконоти тамизу эмин дастрасӣ доранд.

Барномаи тавсеаи саломати Тоҷикистон тарҳе аст, ки тавассути Иттиҳоди Аврупо барои дастёбӣ ба пӯшиши ҷаҳонии беҳдошт таъмин мешавад. Ин пружа барои давраи 2021 то 2025 бо буҷети кулли 52. 2 миллион евро барномарезӣ шудааст.