Мусобиқоти байналмилалии ҷудо – ҷоизаи бузурги Душанбе - 2023 баргузор мешавад
Май 25, 2023 13:14 Asia/Dushanbe
Ҷудокорони тоҷики ширкаткунанда дар мусобиқоти байналмилалии Ҷоизаи бузурги Душанбе – 2023 мушаххас шуданд.
Аз 2 то 4 июни соли 2023 дар шаҳри Душанбе мусобиқоти байналмилалии ҷудо – ҷоизаи бузурги Душанбе - 2023 баргузор мешавад.
Тоҷикистон бо 34 варзишкор дар рақобатҳои мусобиқоти байналмилалии ҷудо ширкат хоҳад кард.
Ҷоизаи бузурги Душанбе дар қолиби “Тури ҷаҳонии ҷудо”-и Федератсияи байналмилалии ҷудо баргузор мешавад ва рақобати муқаддамотӣ барои бозиҳои олимпии Порис – 2024 аст.
Ҳудуди 300 варзишкор аз 40 кишвар барои ширкат дар Ҷоизаи бузурги Душанбе – 2023 эъломи омодагӣ карданд.
