Роҳёбии Баҳодур Усмонов ба Бозиҳои олимпии Порис-2024

Баҳодур Усмонов, муштзани тоҷикистонӣ дар вазни 63.5 килограм роҳии Бозиҳои олимпии Порис-2024 шуд.

Баҳодур дар даври чаҳорякниҳоии якумин мусобиқаи интихобии Бозиҳои олимпӣ дар Италия ба муқобили муштзани ҷопонӣ Нишияма Шион бо қарори ҷудогонаи доварон бо ҳисоби 3:2 зафар ёфта, роҳхати Бозиҳои олимпии Париж- 2024-ро ба даст овард.

Қаблан муштзанҳои дигари тоҷик Миҷгона Самадова ва Давлат Болтаев пас аз пирӯзӣ дар Бозиҳои Осиёии Ҳангжоу-2022 роҳхати Бозиҳои олимпии Париж-2024-ро ба даст оварда буданд.