Баргузории мусобиқаи «Шоҳномахонӣ» дар Донишгоҳи давлатии Хуҷанд
Март 27, 2024 11:17 Asia/Dushanbe
Мусобиқаи «Шоҳномахонӣ» дар Донишгоҳи давлатии Хуҷанд ба номи Бобоҷон Ғафуров баргузор шуд.
Ба гузориши сомонаи Ховар, озмун аз рӯйи се номинатсия: қироати ифоданоку таъсирбахши порчаҳо аз рӯйи қисматҳои «Шоҳнома», ҳифзи абёт ва шарҳу тавзеҳи порчаҳои азёднамуда ва навиштани иншои беҳтарин аз рӯйи корномаҳои қаҳрамонҳои «Шоҳнома» байни донишҷӯёни соли 1-5 баргузор шуда, аз тарафи устодон баҳогузорӣ шуд.
Донишҷӯён дар озмун иштироки фаъолона намуда, ғолибон бо Ифтихорнома ва туҳфаҳои хотиравӣ қадрдонӣ шуданд.
Зимни ифтитоҳи озмун иброз гардид, ки озмуни «Шоҳномахонӣ» бо мақсади баланд бардоштани завқи китобхонӣ, тақвияти неруи зеҳнӣ, арҷ гузоштан ба арзишҳои миллию фарҳангӣ ва инкишофи қобилияти эҷодии донишҷӯён баргузор мешавад.
