Омодагии тими футзали Тоҷикистон барои ҳузур дар Ҷоми ҷаҳон-2024

Тими миллии футзали Тоҷикистон омодагии худро баро ҳузур дар мусобиқоти Ҷоми ҷаҳон-2024 оғоз кард.

Ба навиштаи сомонаи Ховар, тими мунтахаби футзали Тоҷикистон таҳти роҳбарии Пайрав Воҳидов омодагиҳоро ба Ҷоми ҷаҳон-2024, ки аз 14 сентябр то 6 октябри соли равон дар шаҳри Тошканди  Ҷумҳурии  Узбекистон баргузор мешавад, оғоз намуд. 

Дастаи  мунтахаби футзали Тоҷикистон дар шаҳри Гулистони вилояти Суғд ба ҷамъомади таълимиву тамринӣ фаро гирифта мешавад, ки он то 17 июл идома меёбад. Дастаи мунтахаби Тоҷикистон баъди ҷамъомад барои иштирок дар мусобиқа бо ширкати дастаҳои мунтахаби Узбекистон, Беларус ва Гватемала ба Бухоро сафар мекунад.

Дар мусобиқоти ҷаҳон оид ба футзал-2024 дастаи мунтахаби Тоҷикистон дар гурӯҳи «Е» бо дастаҳои мунтахаби  яккачини  Марокаш 16 сентябр, Португалия 19 сентябр ва Панама 22 сентябр рақобат менамояд.