Ҳукми зиндон барои латукӯбкунандаи як мақоми қазоии Тоҷикистон
Январ 31, 2018 15:53 Asia/Dushanbe
Додгоҳи маҳаллӣ дар ҷануби Тоҷикистон латукӯбкунандаи як мақоми қазоиро ба ду соли зиндон маҳкум кард.
Ба гузориши сомонаи “Фараж”, додгоҳи ноҳияи Ҷайҳун ин ҳукмро барои Шарофиддин Додов ба ҷурми зарбушатми Саидаҳмад Зайдзода, қозии додгоҳи ноҳияи Панҷ содир кард.
Ҳодисаи зарбушатми қозии додгоҳи ёдшуда дар рӯзи 16-уми ноябри соли қабл рух дод ва ин нахустин бор нест, ки як масъули қазоии Тоҷикистон мавриди ҳамла қарор мегирад.
Дар тобистони соли 2017 низ Давлатманд Раҳимзода, раиси додгоҳи ноҳияи Панҷ бо ҳамлаи табари фарде ба номи Диловар Олимов маҷрӯҳ ва равонаи бемористон шуд.
Ба дунболи ин ҳодиса додгоҳ Диловар Олимовро ба 15 сол зиндон маҳкум кард.