Мамнуъ шудани иштиғоли шаҳрвандони хориҷӣ дар бахши ҳамлу нақли вилояти Хабаровски Русия
Иштиғоли шаҳрвандони хориҷӣ дар бахши ҳамлу нақли вилояти Хабаровски Русия мамнуъ шуд.
Ба нақл аз расонаҳои вилояи Хабаровск, раиси вилояти Хабаровск дар минтақаи ховари дури Русия дастури мамнуъ шудани иштиғоли шаҳрвандони хориҷӣ аз ҷумла кишварҳои Осиёи Марказиро аз аввалҳои соли 2020 дар бахши ҳамлу нақли ин иёлат содир кард.
Бар асоси дастури Сергей Фургал аз оғози соли 2020 шаҳрвандони хориҷӣ, ки пеш аз ин ба унвони коргари муҳоҷири ронанда дар шабакаи ҳамлу нақли умумии ин вилоят кор мекарданд, дигар наметавонанд ба фаолияти худ идома диҳанд.
Мақомоти ҳукумати Русия дар солҳои ахир ба баҳонаи авлавият доштани иштиғол барои шаҳрвандони русӣ маҳдудиятҳоеро барои фаолияти коргарони муҳоҷири хориҷӣ иҷроӣ мекунанд, ки пештар ашхоси бумии Русия ба далели поин будани мизони ҳуқуқ ва дастмузд ҳозир ба фаолият дар ин бахшҳо набуданд.
Ин дар ҳолест, ки беш аз 70 дарсад аз коргарони муҳоҷири тоҷик дар Русия ва дар бахши сохту соз фаолият мекунанд.
Мақомоти идораи муҳоҷират вобаста ба Вазорати кишвари Русия теъдоди коргарони муҳоҷири тоҷик дар ин кишварро, ки иҷозатномаи кор доранд, як миллиону 200 ҳазор нафар эълом кард ва ин дар ҳолест, ки Созмони коргарони муҳоҷири тоҷики дар Русия эълом кардаанд, теъдоди ин ашхос байни як миллиону 500 ҳазор то ду миллион нафар аст.
