Эмомалӣ Раҳмон бо намояндагони коргарони муҳоҷир дидор намекунад
Сухангӯи раёсати Ҷумҳурии Тоҷикистон эълон кард: дар барномаи сафари Эмомалӣ Раҳмон ба Маскав дидор бо намояндагони коргарони муҳоҷири тоҷик пешбинӣ нашудааст.
Ба гузориши радиои тоҷикии Садои Хуросон ба нақл аз сомонаи Топ Ти Ҷи, Абдулфаттоҳ Шарифзода гуфтааст, ки замони сафари Эмомалӣ Раҳмон ба Москва маҳдуд мебошад. Ва бо дар назар гирифтани бемории вируси корона имкони дидор бо намояндагони коргарони муҳоҷири тоҷик дар Россия вуҷуд надорад.
Вай таъкид кардааст, ки тими ҳамроҳи Раиси Ҷумҳурии Тоҷикистон дар сафар ба Маскав ду ҳафта давраи карантинаро пушти сар гузошта ва се бор озмоиши карона додааст.
Ин дар ҳолест, ки Иззат Амон мудофеи ҳуқуқи коргарони муҳоҷири тоҷик дар Россия дар остонаи сафари Эмомалӣ Раҳмон ба Москва хостори дидори Раиси Ҷумҳурии Тоҷикистон бо намояндагони созмони коргарони муҳоҷири тоҷик пеш омада, ки раҳоӣ аз он ниёзманди мусоидати Эмомалӣ Раҳмон мебошад.
Раиси Ҷумҳурии Тоҷикистон барои ширкат дар маросими паради низомӣ ба муносибати 75-умин солгарди пирӯзӣ дар Ҷанги Дуюми Ҷаҳонӣ ба Маскав сафар кардааст.
