Парвандаи ҷиноӣ алайҳи додситоне, ки муҷиби марги овозхони маъруфи тоҷик шуд

Алайҳи муовини собиқи додситони ноҳияи Фирдавсии шаҳри Душанбе, парвандаи ҷиноӣ боз шудааст.

Ба гузориши Садои Хуросон, манобеи хабарии Тоҷикистон эълом карданд, алайҳи Ислом Анварзода, ки дар як тасодуф бо ронандагии ӯ овозхони машҳур Баҳроми Ғафурӣ кушта шуд парвандаи ҷиноӣ кушода ва таҳқиқот оғоз шудааст.

Ин ҳодисаи ронандагӣ субҳи зуди рӯзи 7 август иттифоқ афтод, ки муҷиби марги Баҳроми Ғафурӣ ва маҷрӯҳияти ду нафар ба шумули Ислом Анварзода шуд.

Вазорати умури дохилаи Тоҷикистон пас аз ин иттифоқ эълом кард муовини собиқи додситони ноҳияи Фирдавсии шаҳри Душанбе дар замони ронандагӣ мунҷар ба тасодуф ва куштор, маст будааст.

Дар таи солҳои охир чандин ҳодисаи тасодуфи ронандагӣ бо мушорикати шуморе аз мақомот ё фарзандони онҳо рух дода, ки муҷиби интиқодоти фаъолони маданӣ шудааст.

Дар ҳамин ҳол мақомоти расмии Тоҷикистон гуфтаанд, Ислом Анварзода бо таҷдиди ҳукми зиндон мувоҷеҳ аст.