Оғоз ба кори сафири нави Фаронса дар Тоҷикистон

Сафири нави Фаронса дар Тоҷикистон рӯзи душанбе дафтари худро ифтитоҳ кард ва нусхаи эътимодномаи худро ба муовини вазири корҳои хориҷӣ пешниҳод кард.

Ба гузориши радиои тоҷикии Садои Хуросон ба нақл аз сомонаи Вазорати хориҷаи Тоҷикистон, дар дидори Музаффари Ҳусензода ва Мишел Тарран  роҳҳои густариши равобити Душанбе ва Париж дар заминаҳои сиёсӣ, иқтисодӣ, тиҷорӣ ва фарҳангӣ баррасӣ шуд .

Ҳусензода  афзуд, ки интизор дорем равобити Душанбе ва Париж дар даврони фаъолияти Мишел Тарран  беш аз пеш густариш ёбад .

Сафири нави Фаронса  дар Тоҷикистон низ дар ин дидор таъкид кардааст, ки пас аз фурӯкаш кардани бӯҳрони Ковид - 19 кишвараш  омодаи иҷрои  тавофуқоти имзошуда бо Тоҷикистон дар заминаҳои иқтисодӣ  ва тиҷорӣ аст .

Мишел Тарран  қабл аз интисоб ба симати сафири Фаронса дар Тоҷикистон дар сафорати Фаронса  дар кишварҳои Русия, Албания, Тунис, Латвия ва вазорати хориҷаи кишвараш фаъолият кардааст .

бештар бихонед:

• Дидори мақомоти аршади Тоҷикистон ва Фаронса дар шаҳри Душанбе

• Осори таърихии Тоҷикистон дар Париж ба намоиш дармеояд

• Омӯзиши нерӯи мавриди ниёзи радио ва телевизиони Тоҷикистон дар Русия, Олмон, Англия ва Фаронса

•  Барқарории 6 парвоз дар ҳафта аз Душанбе ба Париж