Pars Today

Раиси Маҷлиси намояндагони Тоҷикистон бо ҳамтои малайзияии худ аз тариқи маҷозӣ гуфтугӯ ва густариши равобити парлумониро баррасӣ кард.

Ба гузориши радиои тоҷикии Садои Хуросон ба нақл аз сомонаи Спутник, дар гуфтугӯи "Муҳамадтоҳири Зокирзода" ва "Азҳар Азизон Ҳорун" роҳҳои густариши равобити Тоҷикистон ва Малайзия ва нақши парлумонҳои ду кишвар дар тавсеъаи муносиботи дуҷониба баррасӣ шуд.

Зокирзода гуфт, ки дар Маҷлиси намояндагони Тоҷикистон гурӯҳи дӯстии парлумонӣ бо Малайзия таъсис шудааст, ки метавонад ба густариши равобити дуҷониба кумак кунад.

• Эҷоди Гурӯҳи дӯстӣ байни парлумон‎ҳои Тоҷикистон ва Малайзия

Раиси Маҷлиси намояндагони Тоҷикистон бо баёни ин ки Малайзия метавонад дарвозаи тиҷории Тоҷикистон ба кишварҳои ҷануби шарқи Осиё бошад пешниҳод кард, ки Малайзия дар яке аз минтақаҳои озоди Тоҷикистон маркази вижаи содироти маҳсулоти худ ба дигар кишварҳои Осиёи Марказиро таъсис кунад .

Раиси ҷадиди парлумони Малайзия низ дар ин дидор аз густариши равобити кишвараш бо Тоҷикистон истиқбол кард.

Бештар бихонед:

•  Тақвияти равобити меҳвари дидори раиси порлумони Тоҷикистон ва ҳамоҳангкунандаи доими Созмони Милал

• Ҳамкории парлумонӣ меҳвари дидори мақомоти Узбакистон ва Малайзия

• Равобити мутавозин бо тамоми қудратҳои Авруосиё, шарқ ва ҷануби Осиё авлавияти сиёсати хориҷии Эрон