Қазоқистон 100 дастгоҳи танаффуси сунъӣ ба Тоҷикистон ҳадия кард
-
Барои мубориза бо корона Қазоқистон 100 дастгоҳи танаффуси сунъӣ ба Тоҷикистон ҳадия кард
100 дастгоҳи танаффуси сунъии сохти Қазоқистон барои кумак ба беморони коронаӣ дар Тоҷикистон ба Душанбе мунтақил шуд.
Ба гузориши сомонаи Вазорати рушди саноат ва зерсохтҳои Қазоқистон, ин таҷҳизот ба дастури Қосим Жомарт Тоқаев, раиси ҷумҳури ин кишвар ба Тоҷикистон ба унвони кумаки башардӯстона ирсол шудааст.
Дар ин хабар таъкид шудааст, ки дастгоҳҳои танаффуси сунъӣ дар корхонаи «Тыныс» дар Кокшетау тавлид мешавад ва қобили истифода дар бемористонҳо, хонаҳо ва мошини ёрии таъҷилӣ аст.
Қиммати як дастгоҳи танаффуси сунъӣ наздик ба ҳазору 700 доллар эълом шудааст.
Дар шароити густариши вируси корона Тоҷикистон аз 60 кишвари хориҷӣ дар 11 моҳи соли ҷорӣ ба маблағи 45 миллиону 100 ҳазор доллар кумакҳои башардӯстона барои муқобила бо Ковид 19 дарёфт кардааст.
БЕШТАР БИХОНЕД:
