Барқи Сангтӯда 1: Нерӯгоҳ наметавонад бифурӯшад ва Барқи тоҷик наметавонад бихарад

Мудирияти нерӯгоҳи барқи обии Сангтӯда 1 бо вуҷуди талошҳо барои фурӯши барқ ба харидорӣ ҷуз ширкати қарздори Барқи тоҷик дар ин амр муваффақ набудааст.

Ба гузориши радиои тоҷикии Садои Хуросон ба нақл аз сомонаи ТоҷВик , акнун маҷмӯи қарзи ширкати Барқи тоҷик ба нерӯгоҳи барқи обии Сангтӯда 1 ба як миллиарду 600 миллион сомонӣ ( беш аз 140 миллион доллар ) расидааст.

Бар асоси ин гузориш, ба далели нотавонии ширкати давлатии Барқи тоҷик дар пардохти қарзи хеш, тавлиди барқ дар нерӯгоҳи Сангтӯда 1 дар соли 2020 аз 2 миллиарду 700 миллион киловатт соат ба 2 миллиарду 300 миллион киловатт соат коҳиш ёфт.

• Қарзи Барқи Тоҷик ба неругоҳи Сангтӯда-1 ҳамчунон меафзояд

 Талоши мудирияти нерӯгоҳи Сангтӯда 1 барои фурӯши барқи хеш ба сурати мустақил аз ширкати Барқи тоҷик ва ё фурӯш ба хориҷ то ба ҳол бенатиҷа будааст.

Дар айни замон ширкати Барқ тоҷик наметавонад барқи нерӯгоҳи Сангтӯда 1-ро харидорӣ кунад, ки ба далели буҳрони камбуди барқ дар манотиқи рустоии Тоҷикистон маҳдудият аз соати 23 шаб то 6 субҳ ҷорӣ шудааст.

Нерӯгоҳи барқи обии Сангтӯда 1, ки тарҳи муштараки Русия ва Тоҷикистон аст дар соли 2009 ба баҳрабардорӣ расид ва 11 дарсад аз кулли барқи тавлидшуда дар нерӯгоҳҳои барқи обии Тоҷикистон ҳосили кори ин нерӯгоҳ аст.

Русия 75 дарсад ва Тоҷикистон 25 дарсад аз саҳҳоми молии нерӯгоҳи барқи обии Сангтӯда 1-ро дар ихтиёр доранд.

Бештар бихонед:

• Радди иддаои “Барқи Тоҷик” дар бораи нархи барқи хонагӣ дар Тоҷикистон ва Осиёи Марказӣ

• Дархостҳои мукаррари Ширкати Барқи тоҷик барои сари вақт пардохт кардани нерӯи барқ ​​ва сарфаҷӯӣ

• Оғози расмии лимити барқ дар Тоҷикистон