Нигаронии Раҳмон аз тиҷорӣ нашудани ихтирооти олимони тоҷик
-
Раиси Ҷумҳурии Тоҷикистон аз ин ки навовариҳои олимони тоҷик рӯи коғаз мемонад ибрози норозигӣ кард
Раиси ҷумҳурии Тоҷикистон аз тиҷорӣ нашудани ихтироот ва навовариҳои донишмандони тоҷик ибрози нигаронӣ кард.
Ба гузориши радиои тоҷикии Садои Хуросон ба нақл аз сомонаи Спутник, Эмомалӣ Раҳмон ин матлабро дар нишасти рӯзи панҷшанбе 15 апрели Шӯрои илму фанноварии вобаста ба дафтари Раёсати Ҷумҳурии Тоҷикистон матраҳ кард.
Ба гуфтаи Раҳмон ҳамасола дар Тоҷикистон ихтирооти зиёде дар маркази миллии вобаста ба Вазорати рушди иқтисод ва савдои Тоҷикистон ба сабт мерасад ва ба ихтирокорон ( мухтареъон ) гувоҳинома низ медиҳанд, аммо дар амал аксар ин дастовардҳо рӯи коғаз мемонад ва иҷроӣ намешавад.
Аз дидгоҳи Раҳмон иллати ин нобасомонӣ бетаваҷҷӯҳӣ ба аҳамияти ихтироъот ва навовариҳои донишмандон аст дар ҳоле, ки ин навовариҳо метавонист барои рушди илмӣ ва фаннии Тоҷикистон бо истифода аз дастовардҳои ҷадид кумаки зиёде расонад.
Вай чунин мешуморад, ки истифодаи ихтироот ва навигариҳои олимони тоҷик нисбат ба воридоти ин дастовардҳои илмӣ аз хориҷа хеле арзонтар аст, ки ин бояд дар маркази нақшаи 5-солаи донишгоҳҳо ва донишгоҳҳо қарор гирад.
Бештар бихонед:
