Як узви Ҳизби наҳзати исломӣ аз зиндон озод шуд

Масъули собиқи созмони Ҳизби мамнӯъаи наҳзати исломии Тоҷикистон дар деҳаи Чоркуҳи ноҳияи Исфара пас аз поёни даврони маҳкумияташ аз зиндон озод шудааст .

  Ба гузориши радиои тоҷикии Садои Хуросон ба нақл аз сомонаи Топтҷ,Бобоҳидо Ҳайдарови 72 сола дар соли 2015 ба иттиҳоми ончӣ ки ҳамкории Ҳизби наҳзати исломӣ бо шӯриши генерал Абдулҳалим Назарзода хонда шуд, боздошт ва ба 6 сол зиндон маҳкум шуд .

  Пас аз ин ҳодиса теъдоди зиёде аз мақомот ва аъзои ин ҳизб боздошт ва ба иттиҳоми иртибот бо тероризм ва талош барои барандозии низоми сиёсии ҳоким дар Тоҷикистон ба зиндонҳои тӯлонимуддат маҳкум шуданд .

  Масъӯлони Ҳизби мамнӯъаи наҳзати исломӣ ин иттиҳомро рад мекунанд ва мегӯянд шӯриши генерал Назарзода-муовини вақти вазири дифои Тоҷикистон бо ҳадафи мамнӯъияти фаъолияти ин ҳизб созмондеҳӣ шуд, зеро иртиботе миёни ин ҳизб ва генерал Назарзода вуҷуд надошт .

  Ин дар ҳоле аст, ки созмонҳои байналмиллалии мудофеъи ҳуқуқи башар борҳо аз ҳукумати Тоҷикистон дархост кардаанд, ки дар парвандаҳои ҷиноӣ алайҳи масъулону аъзои Ҳизби наҳзати исломӣ бознигарӣ кунад .

  Бештар бихонед :

• Мухолифати Тоҷикистон ба кумаки хориҷӣ ба хонаводаҳои зиндониёни Ҳизби Наҳзати Исломӣ

• Боздошти имоми яке аз масҷидҳои Кӯлоб ба иттиҳоми ҳамкорӣ бо Ҳизби наҳзати исломӣ