Аз шаҳри Душанбе 6-умин табар-тешаи биринҷӣ дар Тоҷикистон ёфт шуд
Аз шаҳри Душанбе 6-умин табар-тешаи биринҷӣ дар Тоҷикистон ёфт шуд
Аз шаҳри Душанбе 6-умин табар-тешаи биринҷӣ дар Тоҷикистон ёфт шуд.
Бино ба гузориши Радиои тоҷикии Хуросони Садо, бо истинод ба "Ховар"، Сокини шаҳри Душанбе Турсунмурод Холбердиев 30 сентябр бо як бозёфти тасодуфии худ – табар-тешаи биринҷӣ ба Институти таърих, бостоншиносӣ ва мардумшиносии ба номи Аҳмади Дониши Академияи миллии илмҳои Тоҷикистон муроҷиат намуд, иттилоъ доданд ба аз Академияи миллии илмҳои Тоҷикистон.
Ба гуфти Турсунмурод Холбердиев, ӯ табар-тешаро соли 2020 тасодуфан аз ҳудуди заминҳои дар шафати Институти геологияи ҷойгирбуда пайдо намудааст.
Табар-теша олоти биринҷӣ буда, як тарафи он ба шакли табар ва тарафи дигар ба шакли теша сохта шудааст. Дар фасли буриш тарафи пеш ба таври возеҳ каҷ аст ва тарафи қафо ҳамвор буда, бо канори барҷастааш ба назар каҷ метобад.
Вазни табар-теша 1200 грамм, дарозиаш 13,8 см, бараш 6,8 см, паҳнои дами он 7 см, паҳнои паҳлӯи пеш бо сӯрохӣ 7 см ва диаметри сӯрохии он 3,2 см мебошад.
То имрӯз аз ҳудуди Ҷумҳурии Тоҷикистон 6 табари биринҷӣ ёфт шудаанд. Табар-тешаи шаҳри Душанбе бештар ба табар-тешаи аз деҳаи Урметани ноҳияи Айнӣ ёфтшуда шабоҳат дорад.
Ба тахмини бостоншиносон, табар-тешаи аз Душанбе ёфтшуда ба охири ҳазорсолаи III–аввали ҳазорсолаи II то милод мансубият дорад, яъне синни он тақрибан ба 4500-4600 сол баробар буда, барои баҳои таърихӣ додан ба таърихи шаҳри Душанбе далели хеле муътамад мебошад. Қаблан чунин бозёфт дар шаҳри Душанбе пайдо нашуда буд. Барои дарёфти маълумоти пурратар ва амиқ ташхиси озмоишгоҳӣ ва муқоисавӣ бо дигар бозёфтҳои монанд зарур аст.
Бостоншиносон, роҳбарияти Институти таърих, бостоншиносӣ ва мардумшиносии ба номи А.Дониш бо роҳбарии президенти , академик Фарҳод Раҳимӣ тибқи нишондоди шаҳрванд Турсунмурод Холбердиев аз ҷои пайдокардаи табари биринҷӣ дидан намуданд. Тасмим гирифта шуд, ки дар ин ҳудуд ҳафриёти бостоншиносӣ гузаронида шавад.
