Давандаи австралияӣ ба шаҳри Хоруғ расид
Мино Гулӣ-шаҳрванди Австралия, ки дар риштаи варзишҳои сабуки занон фаъолият мекунад, ба шаҳри Хоруғ-маркази вилояти Бадахшон расид.
Ин даванда барои ширкат дар ҳамоиши байналмилалии “10 солаи нақши оби дар рушди пойдор дар ҷаҳон” ба Тоҷикистон омадааст .
Ба гузориши радиои тоҷикии Садои Хуросон ба нақл аз сомонаи Авесто, вай бо паймудани 420 километр қасд дорад дар ин ҳамоиши байналмилалӣ дар шаҳри Душанбе ширкат кунад .
Масири давидани ин варзишкори зани Австралия аз водии Зарафшон дар шамоли Тоҷикистон оғоз шуд ва қарор аст аз кули Сарез,пиряхи Фидченко дар Бадахшон боздид кунад.
Боздид аз ниругоҳҳои обӣ-барқии Норак ва Роғун ва маконҳои гардишгарии Тоҷикистон аз дигар барномаҳои давандаи Австралия аст.
Мино Гулӣ мегуяд дар ҳамоиши байналмилалии “10 солаи нақши об дар рушди пойдор дар ҷаҳон” ки 8 то 10 июни соли ҷорӣ дар Душанбе баргузор мешавад, ширкат ва суханронӣ хоҳад кард.
