Дурахшиши гуштигири тоҷик дар мусобиқоти қаҳрамонии Осиё

Варзишкори навҷавони тоҷик нойибқаҳрамони мусобиқоти гуштии қаҳрамонии Осиё шуд.

Алиризо Баҳромов, варзишкори Тоҷикистон дар рӯзи поёнии мусобиқоти гуштии радаи синнии зери 15 соли қаҳрамонии Осиё ба нишони нуқра даст ёфт.

Баҳромов дар вазни зери 68 килограми гуштии озод дар муқобили варзишкороне аз Қирғизистону Қазоқистон ва Ҳинд пирӯз шуд.

Ӯ дар мусобиқаи ниҳоӣ дар баробари Алиакбари Афшор, варзишкори эронӣ шикаст хӯрд.

Мусобиқоти гуштии фарангии қаҳрамонии Осиё байни навҷавонони зери 15 сол ва ҷавонони 20 сол то 10 июл дар Баҳрайн идома дорад.