Интихоби сафири ҷадиди Амрико дар Тоҷикистон
-
Мануэл Миклер ҷойгузини Ҷон Марк Поммершейм шуд
Маросими савгандёдкунии Мануэл Миклер, сафири ҷадиди Амрико дар Тоҷикистон баргузор шуд.
Ба гузориши “Форс”, сафири ҷадиди Амрико дар Тоҷикистон бо баргузории маросими савгандёдкунӣ, ба зудӣ ва ба таври расмӣ фаъолияти худро дар Душанбе оғоз мекунад.
Дар сафҳаи фейсбукии Сафорати Амрико дар Тоҷикистон бо ишора ба баргузории ин маросим дар Вашингтон гуфта шудааст, ки сафири ҷадид бо доштани таҷрибаи 30 соли фаъолиятҳои дипломатӣ ва коршиносӣ дар заминаи масоили Осиёи Марказӣ дар таҳкими равобит миёни Амрико ва Тоҷикистон саҳм муассире хоҳад гузошт.
Раиси ҷумҳурии Амрико сафири ҷадиди Амрико дар Тоҷикистонро дар моҳи июни соли гузаштаи мелодӣ муаррифӣ карда буд.
Мануэл Миклер ҷойгузини Ҷон Марк Поммершейм шуд, ки аз соли 2019 масъулияти сафорати Амрико дар Тоҷикистонро бар ӯҳда дошт.
Сафири ҷадид дорои мадраки коршиносӣ аз донишгоҳ Ҷон Ҳопкинз ва коршиносии аршад аз донишгоҳи Ҷорҷ Вашингтон буда ва ҳамчунин мадраки коршиносии аршади Донишгоҳи дифои миллии Амрикоро низ бо худ дорад.
Гуфта мешавад, ки сафири ҷадиди Амрико бар чанд забони хориҷӣ ва аз ҷумла русиву тоҷикӣ тасаллут дорад.
