Шодмонии фаластиниён дар Ғазза пас аз баёнияи Қатар + видео
Шуморе аз мардуми Фаластин дар ҷануби Ғазза панҷшанбешаб, пас аз интишори баёнияи Вазорати хориҷаи Қатар, дар хусуси эҳтимоли барқарории оташбас, таҷаммуъ карданд ва ба шодмонӣ пардохтанд.
Ба гузориши ИРНА, пас аз интишори баёнияи Вазорати хориҷаи Қатар мабнӣ бар эҳтимоли барқарории оташбас, шуморе аз мардуми Ғазза дар марокизи искони оворагон дар ғарби Рафаҳ берун омаданд ва ба шодӣ пардохтанд.
Бар асоси ин гузориш мардуми Ғазза шиорҳое дар ҳимоят аз муқовимати Фаластин ва Муҳаммад Зейф, фармондеҳи кулли гурдонҳои Алқассом, шохаи низомии ҲАМОС сар доданд.
Соате пеш Моҷид Ансорӣ, сухангӯи Вазорати хориҷа Қатар гуфта буд, ки режими саҳюнистӣ бо тарҳи оташбас дар Ғазза мувофиқат кардааст.
Сухангӯи Вазорати хориҷаи Қатар изофа кард, ҷумбиши Ҳамос дар ҳоли баррасии ин тарҳ аст ва ба он посух хоҳад дод.
Шодмонии фаластиниён дар Ғазза пас аз баёнияи Қатар дар ҳолест, ки манобеи хабарӣ панҷшанбешаб гузориш доданд, ҳамзамон бо ташкили ҷаласаи кабинаи ҷанги режими саҳюнистӣ дар бораи тавофуқи оташбас дар Ғазза, хонаводаи усарои саҳюнистӣ дар Тел-Авив барои иҷрои тавофуқи мубодилаи усаро тазоҳурот карданд.
Хонаводаи усарои саҳюнист дар муқобили мақари вазорати ҷанги режими саҳюнистӣ тазоҳурот карданд.
Ҳамзамони кабинаи ҷанги режими саҳюнистӣ имшаб ҷаласаеро дар мақари вазорати ҷанг баргузор мекунад ва пас аз он кабинаи амниятии ин режим низ тарҳи пешниҳодии мубодилаи усароро баррасӣ хоҳад кард.
Режими саҳюнистӣ барои талофии ҳамалоти ғофилгиркунандаи Тӯфони Алақсо ва таваққуфи амалиёти неруҳои муқовимат, тайи чаҳор моҳи гузашта куштори густардаеро дар Ғазза ба роҳ андохтааст.
Бар асоси гузоришҳо, то кунун беш аз 26 ҳазор фаластинӣ бар асари ҳамалоти ваҳшиёнаи ин режим ҷони худро аз даст додаанд.
