тафсир: Шурӯъи дубораи рӯзҳои пуризтироби исроилиҳо аз посухи баъдии Эрон

Порстудей-Дар ҳоле, ки пас аз таҷовузи режими саҳюнистӣ ба Эрон, мардуми Эрон дар оромиши комил ба сар мебаранд, дар тарафи муқобил гузоришҳо хабар аз афзоиши тарсу ваҳшат дар миёни шаҳракнишинон ва мақомоти саҳюнист вобаста ба посухи ояндаи Эрон медиҳад.

Режими саҳюнистӣ барои инки битавонад эътибори худро байни саҳюнистҳо ва ҳамчунин арсаи байналмилалӣ ҳифз кунад, бомдоди шанбе иқдом ба тааддӣ ва таҷовуз ба қаламрави ҷуғрофиёии Эрони исломӣ кард, ки ин ҳамлаи номувафақ дар баробари падофанди Эрон, табдил ба расвоии дигаре барои онон шуд. Дар ин бастаи хабарии Порстудей ба биму ҳароси саҳюнистҳо пас аз ҳамлаи режими Исроил ба Эрон нигоҳ шудааст.

 Натанёҳу ва вазири ҷанги Исроил ба паноҳгоҳ рафтанд

 Расонаи исроилии «Исроъил ҳиум» фош кард, ки Бинёмин Натанёҳу-нахуствазири ин режем ба ҳамроҳи Юоу Галант-вазири ҷанги Исроил пас аз таҷовуз ба Эрон, ба паноҳгоҳ фирор карданд. Бар асоси гузориши расонаҳои мухталиф, паноҳ бурдани Натанёҳу ва Галант ба паноҳгоҳ аз тарси ҳамлаҳои Эрон ва нируҳои муқовимат анҷом шудааст. Тасвирҳое низ аз Натанёҳу ва Галант ҳамзамон бо эъломи ҳамла ба Эрон мунташир шуда, ки нишон медиҳад дар изтироби комил ба сар мебаранд.

 Артиши Исроил фарохони низомиён худро ба таъхир андохт

 Пойгоҳи саҳюнистии «Валла» эълом кард: Артиши Исроил аз бими ҳамалоти эҳтимолии мушакии Эрон, тасмим гирифт раванди фарохони сарбозони худро як ҳафта ба таъхир биандозад.

  Исроил ҳарими ҳавоии худро баст

 Шабакаи Алҷазира ба нақл аз расонаҳои саҳюнистӣ эълом кард: Исроил ҳарими ҳавоии худро бастааст. Расонаҳои саҳюнистӣ эълом карданд, ки ин иқдоми Телавив дар натиҷаи ҳарос аз ҳамалоти эҳтимолии Эрон ба ин режим сурат гирифтааст.

 Ҳароси мақомоти саҳюнист аз посухи Эрон

 Рӯзномаи амрикоии Уолл Стрит журнал ба нақл аз ду мақоми саҳюнист, ки ба номашон ишора нашудааст, навишт: Умедворем ин ҳамла ба табодули ҳамалот бо Эрон поён диҳад. Ин ду мақоми саҳюнист иддао карданд, ки ин ҳамла бояд поён ёбад, то бар ҷанги Ғазза ва Лубнон тамаркуз кунем.

 Эътирофи ҷолиби мақоми исроилӣ дар бораи ҳамла ба Эрон

  Яир Лапид-раиси опозисиюни режими саҳюнистӣ дар изҳороте зимни иқрор ба таҷовузи заиф ва бесамари саҳюнистҳо ба Эрон гуфт, ки эрониҳо ҳатто ҳамлаи мушакии Исроилро эҳсос ҳам накарданд.