Pars Today

Узви комиссиюни амнияти миллӣ ва дохилии маҷлиси Лубнон гуфт: Ин кишвар дар баробари ҳар гуна иқдоми мутаҷовизонаи режими саҳюнистӣ барои худ ҳақи дифоъ қоил аст.

 Ба гузориши Садои Хуросон, Айюб Ҳамид- узви комиссиюни амнияти миллӣ ва дохилии маҷлиси Лубнон гуфт : Ин кишвар мутаъаҳҳид ба дифо аз худ дар баробари таҷовузоти идомадори режими саҳюнистӣ аст.

 Вай афзуд : Аз ибтидои ташкили режими саҳюнистӣ дар соли 1948 , ин режим ҳамалоти худро ба Лубнон мутаваққиф накарда ва ин мавзӯъ ба ин далел аст, ки беш аз ҳар чиз як иродаи байналмиллалӣ барои муқобила бо ин ҳамалот вуҷуд надорад. Ба гуфтаи вай ин ирода на танҳо дар қиболи Лубнон, балки дар хусуси ҳеч кишвари дигаре, ки мавриди ҳамалоти Исроил қарор мегирад , дида намешавад.

 Ин намояндаи лубнонӣ дар хусӯси бурӯзи ҷанг бо режими саҳюнистӣ низ гуфт, ки ҳеч эътимоде ба ин режим нест, чаро ки бар мабнои душманӣ ва таҷовуз алайҳи дигар кишварҳо ташкил шуда ва ҳаққе барои зиндагии дигарон қоил нест , ҳамонанди он чӣ ки дар Фаластин шоҳид ҳастем.

 Ӯ дар ин хусус афзуд : « Мо дар Лубнон агарчи иқдоми низомӣ алайҳи Исроил анҷом намедиҳем , аммо агар ин режим бихоҳад ҳар гуна таҷовузе алайҳи Лубнон анҷом диҳад , артишу муқовимат ва мардуми Лубнон омодаи муқобила ҳастанд.»

Рӯзи чаҳоршанбе низ манобеи хабарӣ аз ҳадаф қарор гирифтани як паҳподи дигари режими саҳюнистӣ хабар дода ва гуфтанд, ки садоии инфиҷор дар ҷануби Лубнон эҳтимолан мутаъаллиқ ба ин амр аст.

Бештар бихонед:

• Сарнагунии паҳподи режими саҳюнистӣ дар Ғазза ба дасти нерӯҳои муқовимат

• Раисиҷумҳури Лубнон: Амрико бояд монеи идомаи таҷовузи Исроил ба Лубнон шавад