Вокуниши Ҳамос ба ҳамлаи лафзии вазири аморотӣ ба ҷумбишҳои муқовимат
Изҳороти вазири хориҷаи Имороти алайҳи ҷумбиши муқовимати исломии Фаластин ( Ҳамос ) ва Ҳизбуллоҳи Лубнон бо вокуниши сухангӯи Ҳамос рӯбарӯ шуд .
Ба гузориши радиои тоҷикии Садои Хуросон, Ҳозим Қосим-сухангӯи Ҳамос имрӯз якшанбе дар сафҳаи Тветтир навишт : Таҳрики кишварҳои ғарбӣ тавассути Абдуллоҳ ибн Зоид-вазири хориҷаи Аморот барои террористӣ хондани Ҳамос бо арабгароӣ ва тамоми мафоҳими миллигароёна муғойират дорад .
Сухангӯи Ҳамос таъкид кард: Ин изҳорот ҳамгом бо таблиғоти шикастхурдаи саҳюнистҳост ва дар тақобул бо рӯйкардҳои ҳимоятгароёнаи миллатҳои араб аз муқовимати Фаластин қарор дорад .
Ибни Зоид дар гуфтугӯ бо сайти Кумитаи яҳудиёни Амрико гуфта буд,ки боиси таъассуф аст, ки бархе кишварҳои дар табақабандии
бархе ташкилот монанди Ҳамос,Ҳизбуллоҳ ё Ихвонулмуслимин ба шеваи возеҳтар амал намекунанд .
Вазири хориҷа Аморот гуфт: Бархе давлатҳо фақат шохаи низомии як ташкилотро террористӣ меноманд ва аз шохаи сиёсии он мегузаранд ва ин дар ҳоле аст, ки тафовуте миёни онҳо вуҷуд надорад .
Пас аз онки режими саҳюнистӣ ва Аморот дар понздаҳуми сентябри соли гузашта бо якдигар тавофуқи оддисозии равобит имзо карданд, равобити ду тараф рӯз ба рӯз дар ҳоли ошкортар шудан аст .
Бештар бихонед :
- Вокуниши ҲАМОС ба ҳуҷуми эҳтимолии режими саҳюнистӣ ба Масҷидулақсо
-
Раҳбари муаззами инқилоб: Мавзӯи Фаластин қатъан ба нафъи мардуми Фаластин тамом хоҳад шуд
