Мақоми яманӣ: Иқдомоти Эътилофи саудӣ зидди Яман дар ҳадди ҷинояти ҷангӣ аст
Сентябр 19, 2022 09:58 Asia/Dushanbe
Сухангӯи Вазорати ҳуқуқи башар Яман гуфт, ҷиноятҳои Эътилофи мутаҷовизи саудӣ – амрикоӣ зидди шаҳрвандони яманӣ дар ҳадди ҷинояти ҷангӣ аст.
Талъат Ашшарҷи, сухангӯии Вазорати ҳуқуқи башари Яман бо таъкид бар ҷиноятҳои ҷангии Эътилофи мутаҷовизи саудӣ – амрикоӣ зидди шаҳрвандони яманӣ дар бораи идомаву ташдиди таҷовузи ин эътилоф ҳушдор дод.
Ашшарҷи афзуд, идомаи таҷовузот дар Яман иртикоби анвои ҷиноят аз қатли амди ғайринизомиён то тахриби зерсохтҳо, истифода аз силоҳҳои мамнуа, таҳмили муҳосираву монеътарошӣ дар баробари вуруди колоҳои асосӣ ва кумакҳои инсонӣ, иқдомоте дар ҳадди ҷиноятҳои ҷангӣ ва ҷиноят зидди башарият аст.
Вай аз сукути ҷомеаи башарӣ барои ба посухгӯӣ маҷбур накардани ҷинояткорону мутаҷовизон интиқод кард.