Тарҳи маъофияти бонки русӣ аз таҳримҳои swift
Брюссел маъоф кардани бонки русӣ аз таҳримҳои swift-ро баррасӣ мекунад.
Ба гузориши рӯзномаи Файниншел таймс, Иттиҳодияи Аврупо дар ростои талош барои наҷот додани тавофуқи ғаллот бо Русия дар ҳоли баррасии тарҳе барои васл кардани муҷаддади як бонки таҳримшудаи Русия ба шабакаи ҷаҳонии swift аст .
Тибқи ин гузориш мутобиқи ин тарҳ Бонки кишоварзии Русия ( Rosselkhozbank ) метавонад, як ширкати тобеъа эҷод ва онро ба swift васл кунад, то аз тариқи он битавонад мубодилоти молии марбӯт ба содироти ғаллотро дарёфт кунад .
Ин тарҳ зоҳиран пешниҳоде аст, ки Русия матраҳ кардааст .
Бонки кишоварзии Русия пас аз таҳримҳои Ғарб алайҳи Маскав аз сомонаи swift қатъ шуд.
Иттисоли муҷаддади ин бонк ба swift яке аз шароити матраҳшуда аз сӯи Русия барои тамдиди тавофуқи марбут ба содироти ғаллоти Русия ва Украина будааст .
Тавофуқи ғаллот, ки номи расмии он « Ибтикори ғаллоти баҳри Сиёҳ » аст дар июли 2022 бо миёнҷигарии Туркия ва СММ имзо шуд .
Ин тавофуқ ҳудуди 15 рӯзи дигар тамом мешавад .
Аз замони иҷроӣ шудани ин тавофуқ Маскав борҳо хотирнишон карда, ки таъаҳҳудоти дигар кишварҳо ба Русия зайли ин тавофуқ анҷом нашудааст .
Ба навиштаи Файниншел таймс тарҳи Русия дар хусӯси Бонки кишоварзии ин кишвар дар ҷаласаи сарони Иттиҳодияи Аврупо дар Брюссел дар ҳафтаи ҷорӣ мавриди баҳс қарор гирифт. Файниншел таймс муддаӣ аст кишварҳои аврупоӣ аз ин тарҳ ба унвони « гузӣнаи бад », ки нуқоти манфии камтаре нисбат ба бақияи гузинаҳои бад дорад барои тамдиди тавофуқи ғаллот ном бурдаанд .
Ба гуфтаи манобеи огоҳ масоили қонунӣ ва имконпазирии ин тарҳ дар ҳоли ҳозир тавассути мақомҳои Иттиҳодияи Аврупо дар дасти баррасӣ аст .
Бештар бихонед :
