Эътирозот алайҳи идораи муҳоҷирати Амрико чӣ паёмадҳое дорад?

Порс Тудей - Даври ҷадиди эътирозот дар шаҳри Миннеаполис  агар ба роҳи ҳалли байн байн нарасад, мумкин аст буҳрони сиёсӣ ва амниятии мушобеҳи буҳрони ношӣ аз қатли Ҷорҷ Флойд дар сартосари Амрико такрор шавад.

Шаҳри Миннеаполис рӯзи шанбе (24 январи 2026), бори дигар саҳнаи як ҳодисаи маргбору мавҷе аз хашми умумӣ шуд. Маъмурони федероли вобаста ба Идораи муҳоҷирату гумруки Иёлоти муттаҳида (ICE) ва маъмурони гашти марзӣ як марди 37 сола ба номи Alex Jeffrey Pretti-ро бо шиллики гулӯла ба қатл расонданд. Pretti, парастори бахши муроқибатҳои вижа (ICU) дар бемористони куҳнасарбозони Миннеаполис, шаҳрванди амрикоӣ буд ва ҳеҷ собиқае аз фаъолияти ғайриқонӯнии муҳоҷиратӣ надошт.

Ҳодиса дар ҷануби Миннеаполис рух дод, ҷое ки маъмурони федерол зоҳиран дар ҳоли иҷрои як амалиёти муртабит бо сиёсатҳои сахтгиронаи муҳоҷиратии давлати Трамп буданд. Бар асоси видеоҳои мунташир шуда тавассути шоҳидони айнӣ ва сокинони маҳаллӣ, Pretti дар ҳоли ҳаракат буд ва ба назар намерасид, таҳдиди мусаллаҳонае эҷод карда бошад. Бисёре аз шоҳидон иддао мекунанд, ки ӯ ҳатто қасди кашидани силоҳ надошт. Бо ин ҳол, вазорати амнияти дохилӣ муддаӣ аст, ки маъмур дар дифо аз худ иқдом ба тирандозӣ кардааст. Ин иддао бо видеоҳои мавҷӯд дар тазоди ошкор қарор дораду ихтилофи ривояти расмӣ ва тасовири мардумӣ, оташи эътирозотро шуълавартар кард.

Ин тирандозӣ дувумин мавриди маргбор дар Миннеаполис тайи камтар аз як моҳ буд. Ду ҳафта пештар, зане ба номи Renee Good низ тавассути маъмури ICE кушта шуда буд ва он ҳодиса низ ба шакли густардае афмори умумиро таҳти таъсир қарор дод.

Такрори ин улгӯ дар шаҳре, ки собиқаи тӯлонӣ дар эътирозот алайҳи хушунати полис дорад (аз қатли Ҷорҷ Флойд дар соли 2020 то мавориди мутаъаддиди баъдӣ), боис шудааст, ки вокуниши умумӣ бисёр сареъ ва шадид бошад. Фаъолони ҳуқуқи муҳоҷирон, иттиҳодияҳои парасторӣ, созмонҳои куҳнасарбозону гуруҳҳои адолати нажодӣ ба суръат баёнияҳои муштараке содир карданду хостори хурӯҷи комили неруҳои ICE аз Миннесота, таълиқи фаврии амалиёти муҳоҷиратии таҳоҷумӣ ва таҳқиқоти мустақили федерол шуданд.

Давлати Трампу мақомоти вазорати амнияти дохилӣ токунӯн аз мавзеи дифо хориҷ нашудаанд. Сухангӯи ин вазоратхона, тирандозиро «иқдоми қонӯнии маъмур дар мувоҷиҳа бо таҳдид» тавсиф кард ва муддаӣ шуд, ки Пертӣ «дар ҳоли муқовимат» будааст. Доналд Трамп низ дар паёме дар шабакаи иҷтимоии худ навишт, ки «неруҳои федерол дар ҳоли анҷоми вазифа ҳифозат аз қонӯн ҳастанд ва набояд монеъи онон шуд».

Эътирозоти густарда дар Миннеаполис пас аз қатли Alex Jeffrey Pretti реша дар чандин лояи амиқ дорад, ки таркибӣ аз сиёсатҳои федерол, собиқаи торихии шаҳр ва рӯйдодҳои фаврии ахир аст.

Сиёсатҳои муҳоҷиратии сахтгиронаи давлати Трамп бавижа дар Миннеаполис дар ташдиди ин вазъияти нақши муҳимме дорад. Бисёре аз шаҳрвандон ин иқдомотро на танҳо алайҳи муҳоҷирони ғайриқонӯнӣ, балки ба унвони таҳдиде барои кулли ҷомеъаи муҳоҷир ва ҳатто шаҳрвандони амрикоӣ медонанд.

Зимни инки собиқаи тӯлонии хушунати полису эътирозот дар Миннеаполис, шаҳре, ки дар он ҳануз захмҳои амиқи қатли Ҷорҷ Флойд дар соли 2020 илтиём наёфтааст, вуҷӯд дорад. Кушта шудан ду шаҳрванди амрикоӣ дар 24 январ тавассути маъмурони федерол, билофосила хотироти соли 2020-ро зинда кардааст. Мардуми ин шаҳр эҳсос мекунанд, ки “дубора”як неруи мусаллаҳи давлатӣ бидуни посухгуии кофӣ, ҷони шаҳрвандонро мегирад. Ин бор тафовут дар ин аст, ки омилон на полиси маҳаллӣ, балки неруҳои федерол ҳастанд, ки мустақиман зери назари давлати Трамп амал мекунанд; бинобарин, эътирозот ба суръат ранги сиёсии федеролистӣ ба худ гирифтааст.

Ин дар ҳоле аст, ки собиқаи Alex Jeffrey Pretti ба унвони як парастори бемористони куҳнаи сарбозон ва аз кунишгарони  иҷтимоии мухолифи фаъолияти ICE дар Миннесота, бар эътирозоти ношӣ аз қатли вай афзӯдааст; эътирозоте, ки агар ба роҳи ҳалли байнобайн миёни хостаи давлати федерол барои идомаи фаъолияти ICE ва хости бархе иёлатҳо барои таваққуфи фаъолиятҳои ICE наанҷомад, чӣ басо буҳрони сиёсии амниятии мушобеҳи буҳрони ношӣ аз қатли Ҷорҷ Флойдро дар сартосари Амрико такрор кунад.