Кореяи Шимолӣ беш аз 100 озмоиши мушакӣ анҷом хоҳад дод
Як андешкадаи амрикоӣ пешбинӣ кард, дар замони раёсатҷумҳурии Трамп даври ҷадиде аз озмоишҳои мушакии Кореяи Шимолӣ дар ҳаҷму теъдоди камсобиқа анҷом хоҳад шуд.
Ба гузориши хабаргузории “Экспресс”, дар ҷадидтарин гузориши Маркази стратегӣ ва мутолиоти байналмилалии Амрико омадааст, Кореяи Шимолӣ дар даврони раёсатҷумҳурии Доналд Трамп бештарин озмоишҳои мушакиро анҷом медиҳад. Маркази стратегӣ ва мутолиоти байналамилалии Амрико афзуд, дар шароити кунунӣ эҳтимолан Кореяи Шимолӣ беш аз 100 озмоиши мушакиро дар давраи раёсатҷумҳурии Трамп анҷом хоҳад дод, ки дар навъи худ рекорди таърихӣ ба ҳисоб меравад.
Кореяи Шимолӣ 24 озмоиши мушакӣ ва як озмоиши бомби ҳастаиро дар ҳафт моҳи нахусти раёсатҷумҳурии Трамп анҷом додааст. Трамп бо радди ҳар гуна музокира ва роҳкорҳои дипломатӣ барои ҳалли таниш бо Кореяи Шимолӣ ба Рекс Тиллерсон, вазири умури хориҷии худ гуфтааст, вақташро барои музокира бо Пхенян ҳадар надиҳад.
