Арзи миллӣ ҷойгузини доллар дар мубодилоти Филиппин ва Чин
Октябр 26, 2018 18:53 Asia/Dushanbe
Чин дар чорчуби муқобила бо ҷанги тиҷории Амрико бо Филиппин сомонаи мубодилоти арзии мустақим бар пояи пули миллӣ эҷод мекунад.
Ба гузориши ИРНА, бонки марказии Филиппин рӯзи ҷумъа бо интишори баёнияе эълом кард, ба манзури густариши равобити тиҷории Пекин ва Манила, ду тараф қасд доранд як сомонаи бонкии муштарак эҷод кунанд то арзҳои роиҷи ду кишвар дар ин сомона ба осонӣ қобили мубодила бошад.
Бар асоси ин баёния, бонкҳои марказии Чин ва Филиппин 30 октябри ҷорӣ ёддошти тафоҳуме барои иҷроӣ кардани ин сомонаи табодули арзи муштарак имзо хоҳанд кард.
Ин сомона ба 15 бонки маҳаллии ду кишвар иҷоза медиҳад ба таври мустақим бо ренминби (арзи расмӣ дар Чин) ва песо (воҳиди пули Филиппин) муомилоти молӣ-пулӣ анҷом диҳанд.