Афзоиши қатли хабарнигорон дар соли 2018
Федератсияи байналмилалии хабарнигорон, аз афзоиши қатли хабарнигорон ва асҳоби расона дар соли 2018 ҳангоми анҷоми вазифа хабар дод.
Федератсияи байналмилалии хабарнигорон мустақар дар Белгия бо интишори баёнияе эълом кард, бо қатли 90 хабарнигор дар соли 2018, қатли хабарнигорон ва асҳоби расона дар ҳайни анҷоми шуғл афзоиш ёфтааст, дар ҳоле, ки ин рақам дар шаш соли қабл аз он, дар маҷмуъ коҳиш нишон дода буд.
Ироқ, ки дар рубъ қарни гузашта дар он 309 хабарнигор ва корманди расона кушта шуданд, муддатҳост дар садри феҳристи солонаи Федератсияи байналмилалии хабарнигорон қарор дорад.
Ин федератсия афзуд: Хабарнигорон бо хатарҳое ба ҷуз рискҳои марбут ба анҷоми вазифаи хабарнигорӣ нисбат ба манотиқи ҷангӣ ё гурӯҳҳои ифротӣ рӯ ба рӯ ҳастанд ва авомили дигаре монанди ишоаи фасод ва ҷурму ҷиноят ва набуди назм ва қонун хабарнигоронро таҳдид мекунад.
Дувуми октябри 2018 қатли Ҷамол Хошуқчӣ, хабарнигори Вашингтон Пост, ки ба дасти авомили режими Саудӣ дар консулгарии ин кишвар дар Истанбул рух дод, таъсире ҷаҳонӣ дошт.
