Ҳушдори Иттиҳодияи Аврупо дар бораи интиқоли аъзои ДОИШ ба Афғонистон
Май 12, 2019 19:54 Asia/Dushanbe
Раиси ҳамоҳангкунандаи муқобила бо терроризм дар Иттиҳодияи Аврупо дар бораи интиқоли аъзои гурӯҳи террористии ДОИШ ба Афғонистон ҳушдор дод.
Ба гузориши торнамои Urdu Point, Жил Де Каршов, раиси ҳамоҳангкунандаи муқобила бо терроризм дар Иттиҳодияи Аврупо рӯзи якшанбе гуфт: Ба дунболи шикасти гурӯҳи террористии ДОИШ дар Ироқ ва Сурия дар ҳоли ҳозир ин гурӯҳи террористӣ дар садади интиқоли аъзои худ ба Афғонистон ва кишварҳои шимоли Африқо аст.
Бино бар эъломи Жил Де Каршов, аъзои аврупоии ДОИШ ҳамчунон дар кишварҳои Ироқ ва Сурия мустақар ҳастанд.