Кушта шудани ду покистонӣ дар оташбории марзбонони ҳиндӣ
Ду покистонӣ дар оташбории марзбонони ҳиндӣ кушта шуданд.
Марзҳои заминии Ҳинд ва Покистон, ки аз моҳи гузашта дар пайи вазъи буҳронии Кашмир муташанниҷ шудааст, бори дигар шоҳиди даргириҳои ду кишвар буда ва дар тозатарин ҳодиса, ду шаҳрванди ғайринизомии Покистон дар оташбории ҳиндуҳо кушта шуданд.
Расонаҳои Покистон бомдоди чаҳоршанбе ба нақл аз равобити умумии артиши ин кишвар эълом карданд, ҳамалоти марзбонони ҳиндӣ ба минтақаи маскунӣ дар бахши марзии хоки Покистон мунҷар ба ҷон бохтани ду ғайринизомӣ ва захмӣ шудани се нафари дигар шуд.
Равобити умумии артиши Покистон ҳамчунин аз иқдоми мутақобили нерӯҳои ин кишвар барои ҳадаф қарор додани мавозеи тарафи ҳиндӣ хабар дод.
Артиши Покистон пештар гуфта буд, Ҳинд барои инҳирофи афкори умумии ҷаҳон аз авзои буҳронии Кашмир, ба даргириҳои марзӣ бо Покистон доман мезанад.
Марзҳои заминии Покистон ва Ҳинд ба унвони ду рақиби ҳастаӣ дар ҷануби Осиё, дар рӯзҳои ахир шоҳиди табодули сангини оташ буд.
Вазорати умури хориҷаи Покистон рӯзҳои гузашта дар эътироз ба ҷон бохтани низомиён ва ғайринизомии ин кишвар дар пайи оташбории марзбонони ҳиндӣ, кордори Деҳлӣ дар Исломободро ба таври паёпай чанд бор эҳзор кард.
Имрон Хон, нахуствазири Покистон моҳи гузашта ба муносибати фаро расидани ҳафтодусавумин солрӯзи истиқлоли ин кишвар гуфт, Исломобод иттилоотеро дар хусуси иқдомоти эҳтимолии Ҳинд дарёфт карда ва мо ҳушдор медиҳем, ки дар сурати ҳар гуна таҷовуз, посухи фаврӣ ва қотеъона хоҳем дод.
Бо вуҷуди қарордоди оташбас миёни Покистон ва Ҳинд, ки дар соли 2003 имзо шуд, марзҳои ду кишвари ҳамсоя, ба вижа дар минтақаи Кашмир ҳамвора дастхуш даргирӣ ва тирандозии мутақобил аз сӯйи тарафайн будааст.
