Боздошти даҳҳо муътариз дар Қазоқистон
Полиси Қазоқистон аз боздошти даҳҳо муътариз ба тавсеъаи равобити тиҷорӣ бо Чин хабар дод
Ба гузориши радиои тоҷикии Садои Хуросон ба нақл аз хабаргузории Фаронса , Вазорати дохилаи Қазоқистон эълом кард : Рӯзи шанбе 57 нафар ба далели мушорикат дар эътирозоти бидуни муҷаввиз дар шаҳрҳои Алмаато ва Нурсултон боздошт шуданд .
Ин тазоҳурот алайҳи тавсеъаи равобити тиҷории Қазоқистон бо Чин ба даъвати ҷумбиши « Интихоби демократии Қазоқистон » баргузор шуд .
Яке аз муътаризон дар Алмаато дар бораи тамоюли давлат барои афзоиши сармоягузории чиниҳо дар Қазоқистон гуфт :Чин давлати моро ба як кишвари тавлидкунандаи маводи хом табдил карда аст
Вазорати дохилаи Қазоқистон эълом кард : Ба рағми ҳушдорҳои пайдарпаи додситонӣ бархе шаҳрвандон ба дархостҳои таҳрикомези ҷумбиши ифротгарои пароканда эъломшудаи "Интихоби демократии Қазоқистон " посухи мусбат доданд .
Додгоҳе дар Қазоқистон соли гузашта ҷумбиши "Интихоби демократии Қазоқистон "-ро як гурӯҳи ифротӣ хонд ва онро парокандашуда эълом кард .
Ин ҷумбиш ба раёсати Мухтор Аблязов фаъолият мекунад, ки пештар вазири энергетика ва раиси Бонки марказии Қазоқистон буд ва соли 2009 аз кишвар гурехт .
