Ибрози нигаронии масъулони афғон аз ҳузури ДОИШ дар Ҳирот
Декабр 25, 2019 13:49 Asia/Dushanbe
Устондори Ҳирот дар ғарби Афғонистон аз ҳузури гурӯҳи терроистии ДОИШ дар ин вилоят ибрози нигаронӣ кард.
Ба нақл аз хабаргузории Тасним, Абдулқаюм Раҳимӣ, устондори Ҳирот рӯзи чоршанбе гуфт: Шуморе аз аъзои гурӯҳи террористии ДОИШ, аз шарқи Афғонистон ба ин вилоят мунтақил шудаанд, то иқдом ба амалиёти террористӣ кунанд.
Турёлӣ Тоҳирӣ, муовини Шӯрои вилоятии Ҳирот низ ҳузури ДОИШ дар ин вилоятро нигаронкунанда хонд ва хостори тахриби паноҳгоҳҳои ин гурӯҳи террористӣ шуд.
Ба гузориши "Тулӯъ Нюз", дар чанд рӯзи ахир 7 нафар аз аъзои ДОИШ дар вилояти Ҳирот ба дасти нерӯҳои амниятии афғон дастгир шуданд.
Барчасп
