Гирдиҳамоии мардумӣ дар ҳимоят аз Абдуллоҳ Абдуллоҳ
Сокинони вилоятҳои шимол ва шимоли шарқи Афғонистон бо баргузории нишасте, Абдуллоҳ Абдуллоҳ, раиси иҷроии давлати Ваҳдати миллии ин кишварро пирӯзи интихоботи раёсатҷумҳурӣ донистанд ва бар ҳимоят аз вай таъкид карданд.
Мардуми сокинони вилоёти Форёб, Тахор, Балх, Кописо ва Панҷшер дар ин гирдиҳамоӣ Абдуллоҳ Абдуллоҳро пирӯзи интихоботи раёсатҷумҳурии Афғонистон ва ин пирӯзиро ҷашн гирифтанд.
Дар ин гирдиҳамоӣ сокинони ин вилоёт тасовири Абдуллоҳ Абдуллоҳро бо унвони раисиҷумҳури Афғонистон насб кардаанд.
Башир Аҳмад, сухангӯи ҳизби Ҷунбиши миллии исломии Афғонистон гуфт, ин гирдиҳамоӣ ба дастури генерал Абдуррашид Дӯстум, раиси ин ҳизб ва барои ҷашни пирӯзии Абдуллоҳ Абдуллоҳ баргузор шудааст.
Пештар Дӯстум хостори эътирози зидди интихоби Ашраф Ғанӣ шуда буд.
Комиссияи мустақили интихоботи Афғонистон рӯзи сешанбе бори дигар Маҳаммад Ашраф Ғаниро бо касби 50/64 дарсад аз оро, барандаи интихоботи раёсатҷумҳурии ин кишвар эълом кард ва Абдуллоҳ Абдуллоҳ низ нафари дувум шуд.
Абдуллоҳ Абдуллоҳ, пирӯзии Ашраф Ғанӣ дар интихоботи раёсатҷумҳуриро қабул накарда ва ба дунболи он бархе аҳзоби Афғонистон низ аз вай ҳимоят кардаанд. Интихоботи раёсатҷумҳурии Афғонистон 28 сентябри 2019 баргузор шуд.
