Jalali: ýadro şertnamasyny dikeltmekde Eýran sanksiýalaryň gaýtadan girizilmezligini kepillendirmek isleýär
Eýran Yslam Respublikasynyň Orsýetdäki ilçisi Tähran ýadro şertnamasyny dikeltmekde sanksiýalaryň gaýtadan ulanylmazlygyny talap edýär diýdi.
IRNA-nyň habaryna görä, Eýranyň Orsýetdäki ilçisi "Kazem Jalali" şu gün beren gürrüňlerinde ýadro şertnamasyny janlandyrmak ugrundaky tagallalarynda Eýran Günbatar ýurtlaryna ABŞ-nyň sanksiýalarynyň Eýran halkynyň hukuklaryny bozandygyny we onuň bütinleý ýatyrylmalydygyny aýdandygyny yglan edendir diýdi.
Ol şeýle-de günbatar gepleşiklerde sanksiýalary ýatyrmak ugurda hereket etse, Wena gepleşikleri netijeli we oňýn bolar diýdi.
Jalali Eýranyň ýadro energiýasyny ösdürmek üçin halkara hukugyndan peýdalanjakdygyny aýdyp Eýranyň goranyş doktrinasynda ýadro ýaragyna ýer ýokdyr diýmek bilen Eýran Yslam Rewolýusiýasynyň Ýolbaşçysynyň Eýranyň hiç haçan ýadro ýaragyny gurmajakdygy barada petwa berendigini aýtdy.
Eýran Yslam Respublikasyna garşy birtaraplaýyn sanksiýalary ýatyrmagyň zerurdygyna ünsi çeken eýranly diplomat, sanksiýalary rehimsiz diýip atlandyrdy we topuň häzirki wagtda Günbatar we ABŞ-nyň ýerinde bolandygyny aýtdy.
Sanksiýalary ýatyrmak baradaky gepleşikleriň sekizinji tapgyryň otuz üçünji gününde başlyklar we bilermenler derejesinde ýygnaklar dowam etdi.
Eýranyň baş gepleşikçisi Ali Bageri Kani anna güni Orsýetiň baş gepleşikçisi we EUB-niň wekili bilen aýratyn duşuşdy.
