Günorta Kawkazda parahatçylygy ornaşdyrmakda hyzmatdaşlyga Eýranyň taýynlygy
Eýranyň Ýokary Milli Howpsuzlyk Geňeşiniň sekretary: Eýran Yslam Respublikasy, öňki ýaly Günorta Kawkaz sebitinde dowamly parahatçylygy ornaşdyrmak üçin mümkinçiliklerinden peýdalanmaga taýýardyr.
Yslam Rewolýusiýasynyň ýokary derejeli Lideriniň wekili we Eýranyň Ýokary Milli Howpsuzlyk Geňeşiniň sekretary Ali Şamhani penşenbe güni Ermenistanda ,bu ýurduň Milli Howpsuzlyk Geňeşiniň sekretary Armen Grigorýan bilen bolan duşuşygynda iki ýurduň arasyndaky taryhy, medeni we siwilizasiýa gatnaşyklara we uzak möhletli arabaglanşyklara yşarat edip, Bu şertler iki ýurduň arasyndaky gatnaşyklary berkitmek we giňeltmek üçin amatly platformany üpjün etýär diýdi.
Eýranyň 13-nji hökümeti Kawkazdaky wakalar bilen baglanyşykly deňagramly syýasaty kabul etdi we durnukly parahatçylygy ýola goýmak we ykdysady gatnaşyklary ösdürmek maksady bilen Ermenistan, Azerbaýjan we Russiýa ýaly sebitdäki dürli partiýalar bilen syýasy we howpsuzlyk gatnaşyklaryny dowam etdirýär.
Azerbaýjan we Ermenistan Respublikasy ýakynda Nagorno-Garabag üstünde harby söweş alyp bardy. Russiýa tarapyndan araçylyk edilen bu söweş 2020-nji ýylyň noýabr aýynda atyşygyň bes edilmegine sebäp boldy, ýöne iki tarapyň arasyndaky dartgynlyk we käbir dawalar dowam edýär.
Eýran Yslam Respublikasynyň pikiriçe, bu dartgynlyklar we konfliktler sebit hyzmatdaşlygyna öwrülmeli we Kawkazdaky ähli taraplaryň bähbitlerini üpjün etmeli; Şol esasda, Eýran Kawkaz sebitindäki islendik konflikt barada alada bildirdi we sebit ýurtlarynyň serhedindäki üýtgeşmeleri kabul etmeýändigini aýtdy.
Eýranyň Ýokary Milli Howpsuzlyk Geňeşiniň sekretary sebitara hyzmatdaşlygyň üsti bilen sebitde parahatçylygy we durnuklylygy ýola goýmaga ünsi çekip,“Eýran Yslam Respublikasy sebitiň geosyýasy syýasatynda üýtgeşmelere sebäp boljak islendik çärä garşydir diýip aýtdy.
Eýran Yslam Respublikasynyň bu pozisiýasyny goldaýan Ermenistan, Günorta Kawkaz ýurtlarynyň arasyndaky gatnaşyklary ösdürmekde we sebitiň howpsuzlygyny üpjün etmekde Eýranyň möhüm roluny hemişe nygtap gelýär.
Ermenistanyň Milli Howpsuzlyk Geňeşiniň sekretary "Armen Grigorian" Eýran Yslam Respublikasynyň sebitde parahatçylygy we durnuklylygy döretmekdäki işjeň roluna ýokary baha berdi we Eýran Yslam Respublikasynyň bu ugurdaky rolunyň dowam etmegini nygtady.
