Eýran bilen Ermenistanyň Kawkaz sebitiniň howpsuzlygyna berýän ünsi
Eýran Yslam Respublikasynyň prezidenti Seýid Ebrahim Räisi, sişenbe güni (13-nji sentýabr) Ermenistanyň premýer-ministri Nikol Paşinýanyň telefon jaňyna jogap edip sebitdäki dartgynlygyň dowam etmegine alada bildirdi.
Eýran Yslam Respublikasynyň prezidenti Seýid Ebrahim Räisi, sişenbe güni (13-nji sentýabr) Ermenistanyň premýer-ministri Nikol Paşinýanyň telefon jaňyna jogap edip sebitdäki dartgynlygyň dowam etmegine alada bildirip,Kawkaz sebiti aýratyn şertleri başdan geçirýär we gynansak-da Parahatçylyk bu sebite gaýdyp gelmedi diýip nygtady.
Eýran Yslam Respublikasynyň prezidenti Sionist režimiň sebitdäki täsiri barada durup geçip, bu basyp alyjy režimi tutuş sebit üçin, şol sanda huzurly bolan ýurtlary üçin howp hökmünde tanadyp,Eýran Yslam Respublikasynyň ýagdaý we wakalara yzygiderli gözegçilik edýändigini aýtdy. Seýid Ebrahim Räisi şeýle-de Kawkaz sebitinde başga uruşa çydap bolmaýar diýdi.
Nikol Paşinýan Kawkaz sebitindäki soňky wakalar barada hasabat hödürläp: Eýran Yslam Respublikasy sebitdäki dartgynlygy we krizisleri çözmekde hemişe konstruktiw we täsirli rol oýnady diýdi. Paşinýan,"Ermenistanda aragatnaşyk ýollarynyň petiklenmesini aýyrmakda hiç hili problema ýokdyr diýdi.
Ermenistanyň premýer-ministriniň Eýranyň prezidentine eden telefon jaňy, soňky wakalary, ýagny Azerbaýjan Respublikasynyň we Ermenistanyň harby güýçleriniň arasynda duşenbe güni uly göwrümli çaknyşyklaryň bolandygyny göz öňünde tutsaň, manyly we möhümdir. Bakuw goşuny tarapyndan Ermenistanyň içindäki käbir ýerlere ok atyldy. Ýerewanyň pikiriçe, ermeni güýçlerinden azyndan 49 adam öldi we näbelli azerbaýjan güýçleri öldi, bu çaknyşyk soňky aýlarda iň güýçli çaknyşyk hasaplanýar we Günorta Kawkazda täze konflikt söweşiniň başlanmagyna alada döretdi . Şunuň bilen baglylykda Russiýanyň Ermenistandaky harby bazasy hüşgär boldy we Paşinýan Russiýanyň prezidenti Wladimir Putin bilen telefon arkaly söhbetdeş boldy we ahyrynda azeri ermeni tarapyň arasynda irden sagat 2:30 ok atyşyk ýatyryldy. Şeýle-de bolsa, Ermenistanyň premýer-ministri bilen Eýranyň prezidentiniň arasyndaky şu günki söhbetdeşlik, dartgynlygy azaltmak we mundan beýläkki harby hereketleriň öňüni almak maksady bilen sebit partiýalarynyň, esasanam Eýranyň Kawkaz sebitiniň deňlemelerinde täsirli güýç hökmünde gatyşmagyny isleýändigini görkezýär
Paşinýanyň Räisi bilen bolan söhbetdeşliginde nygtaýan mesele, Bakuwyň Ermenistanyň çägindäki bir koridory almak we Nahçiwan awtonom sebitini Azerbaýjan respublikasynyň esasy territoriýasy bilen birleşdirmekdir we bu Azerbaýjan Respublikasy bilen Ermenistan arasyndaky häzirki dartgynlygy güýçlendirmegiň esasy sebäplerinden biri hasaplanýar.
