Şamhani: Amerikalylar Owganystanyň meselelerini jogapkärçiliksiz basyp almagy we yza çekilmegi bilen güýçlendirdiler
Eýranyň Ýokary Milli Howpsuzlyk Geňeşiniň sekretary, 20 ýyllyk basyp alyşlygy we Amerikanyň Owganystandan jogapkärçiliksiz çykarylmagyny bu ýurduň problemalarynyň sebäbi hasaplady.
Owganystanyň goňşy ýurtlarynyň, şol sanda Russiýa, Eýran, Hindistan, Hytaý, Täjigistan, Gyrgyzystan, Özbegistan we Türkmenistan ýaly ýurtlaryň sekretarlaryň we milli howpsuzlyk geňeşçileriniň gatnaşmagynda sebitleýin howpsuzlyk gepleşikleriniň bäşinji duşuşygy çarşenbe güni Moskwada başlandy.
Bäşinji sebitleýin howpsuzlyk gepleşiklerine gatnaşmak üçin Eýran Yslam Respublikasynyň adyndan Moskwa giden Eýranyň Ýokary Milli Howpsuzlyk Geňeşiniň sekretary "Ali Şamhani" şu gün irden (çarşenbe) Eýranyň Owganystanda durnuklylygy dikeltmek baradaky pikirlerini açyklap aýtdy.
IRNA habar gullugynyň habaryna görä, Eýranyň Ýokary Milli Howpsuzlyk Geňeşiniň sekretary "Ali Şamhani", bu ýygnagyň çäginde Sputnik habar gullugyna beren interwýusynda Amerikalylaryň 20 ýyllyk basybalyjylygynyň we jogapkärçiliksiz çykmagynyň Owganystanyň problemalarynyň dowam etmegine sebäp bolandygyny aýtmak bilen Owganystanyň ähli halkynyň syýasata we dolandyryşa gatnaşmagy üçin esas döretmek bilen bu ýurduň milli jebisligini ösdürmek, Owganystanyň borçlaryny doly ýerine ýetirmek we terrorçy toparlary ýok etmek boýunça çynlakaý tagallalar Owganystanda durnuklylygy gazanmak üçin zerur çäreleriň biridir diýdi.
Şamhani Owganystandaky howpsuzlyk şertleriniň bu ýurduň goňşularyna gönüden-göni edýän täsiri barada durup geçip, Owganystanda howpsuzlygyň, parahatçylygyň, durnuklylygyň we ösüşiň döredilmegini Eýranyň esasy meselesi hasaplady we ABŞ-nyň rehimsiz, birtaraplaýyn we bikanun sanksiýalarynyň Eýran halky üçin döreden kynçylyklaryna garamazdan; Eýranyň hökümeti we halky, Owganystanyň halkyna goldaw bermegi dowam etdirmek bilen bir hatarda, bu ýurtdan köp sanly myhmany garşy alýar diýdi.
