Ysraýyl Gazany Bombalamaga Dowam Edýär
Ysraýyl Režimiň harby goşunynyň Gaza Sektoryna garşy guran soňky hüjümlerinde 6 palestinaly pida boldy.
Palestinanyň resmi habarlar gullugy WAFA-nyň berýän habaryna görä, Ysraýyl, Gazanyň günortasynda ýerleşýän Rafah şäheriniň Mewasi etrapçasynda bir öýe bombaly hüjüm gurady.
Hüjümde 5 palestinaly pida boldy.
Ysraýylyň harby goşunynyň Gazanyň merkezinde Nusaýrat bosgun düşelgesinde ýerleşýän 1 öýe guran hüjüminde 1 palestinaly ýogaldy, köp sanly adam hem ýaralandy.
Şaýatlaryň aýtmagyna görä, ysraýylly esgerler, Al Haliliň günortasynda ýerleşýän Az-Zahiriýýe etrapçasyna operasiýa gurady.
Operasiýadaky ysraýylly esgerleriň od açmagy sebäpli 2 adam ýaralandy.
Gazadaky Palestinanyň Saglygy goraýyş ministrliginden berlen beýannamada, Ysraýylyň 7-nji oktýabryndan bäri, ýagny 342 gün bäri Gaza zolagyna garşy guraýan hüjümleri hakynda maglumat berildi.
Beýannamada, Ysraýylyň harby goşunynyň soňky 24 sagatda Gazada amala aşyran 3 aýry gyrgynçylygynda ýene-de 34 palestinalynyň pida boldygy, 96 palestinalynyň hem ýaralanandygy nygtaldy.
Beýannamada, Ysraýylyň harby goşunynyň Gaza zolagyna garşy 2023-nji ýylyň 7-nji oktýabryndan bäri guraýan hüjümlerinde pida bolanlaryň sany 41 müň 118 adama, ýaralananlaryň sanynyň bolsa 95 müň 125 adama ýetendigi ýatladyldy.
Beýannamada mundan başgada ýumrulan binalaryň harabalyklarynyň arasynda we ýoluň gyralarynda ýogalan adamlaryň jesetleriniň bardygy, emma ysraýylly esgerleriň päsgel bermegi sebäpli şol jesetleriň ýygnalyp bilinmeýändigi aýan edildi.
Emma Ysraýylyň goşunlarynyň howpsuzlyk we gözegçilik bölüminiň başlygy Hamasyň söweşijileriniň geçen ýylyň 7-nji oktýabrynda guran reýdiniň öňüni almandygy sebäpli jogapkärçiligi kabul etdi.
8200 bölümine ýolbaşçylyk edýän general maýor Ýossi Sariel, Baş ştabyň başlygy Herzi Halewä wezipesinden çekilendigini beýan etdi.
Sariel Hamasyň bir wagtlara Palestina degişli bolan Ysraýylyň harby zolaklaryna we ilatly ýerlerine guralan hüjümler sebäpli görkzilen reaksiýalardan soň wezipeden çekilen ýokary derejeli harby ýolbaşçylaryň ýedindijisi.
Şeýle-de Ysraýylyň harby goşunynyň Gaza Sektoryna garşy guran hüjümlerinde we operasiýalarynda saklanan 9 palestinaly boşadyldy.
Rafah şäherinde ýerleşýän Kerem Abu Salim gapysyndan Gaza getirlen 9 palestinaly Han Ýunusdaky Ýewropa keselhanasynda bejergi astyna alyndy.Boşadylan palestinalylara zulum edilendigi we ýeterlik iýmitlenmändigi anyklady.
