NATO-nyň Baş sekretary Russsiýa-Ukraina söweşi barada beýannama berdi
NATO-nyň Baş sekretary Ýens Stoltenberg: "Ýadro ýaraglaryň ulanylmagy Russiýa-Ukraina söweşiniň tebigatyny düýbünden üýtgeder, tankydy netijelere sebäp bolar" diýip nygtady
Iki gün dowam eden NATO agza ýurtlaryň Goranmak ministrleriniň maslahatynyň ahyrynda metbugat ýygnagyny geçiren NATO-nyň Baş sekretary Ýens Stoltenberg, ministrleriň Ukraina berilýän goldawy artdyrmak, blogyň eýmendirmegini güýçlendirmek, has köp barlyk, çeýelik we razwedka maglumat paýlanşygy bilen NATO-nyň tankydy infrastrukturasyny goramak babatynda ylalaşyga gelendiklerini habar berdi.
Ýaranlaryň düýn irden Ýadro meýilnama toparynyň nobatdaky maslahatyna gatnaşandyklaryny aýdan Ýens Stoltenberg, bu babatda geňeşmeleriň we koordinasiýalaryň möhümdigine ünsleri çekdi.
Ýens Stoltenberg: "Putiniň ýadro bilen bagly beýanatlary howply we jogapkärçiliksiz. Putiniň ýadro bilen bagly beýanatlaryna çynlakaý çemeleşýäris. Ýüz öwürmeris. Ýadro ýaraglaryň ulanylmagy Russiýa-Ukraina söweşiniň tebigatyny düýbünden üýtgeder, tankydy netijelere sebäp bolar" diýip nygtady.
Stoltenberg Russiýanyň ýadro ýarag ulanan halatynda NATO-nyň şol bir häsýetde garşylyk görkezip-görkezmejekdigi bilen bagly soraga: "NATO-nyň ýadro ýarag ulanmak mejburlygyna galmak şertleri örän uzak" diýip jogap berdi.
Şeýle-de Der Spiegel žurnaly tarapyndan berilen habarda, Iris-T SLM kysymly howa goranyş ulgamlarynyň gowşurylyşynyň düýn Polşa-Ukraina serhediniň golaýynda amala aşyrylandygy mälim edildi.
Germaniýanyň Goranmak ministri Kristin Lambreht, duşenbe güni beren beýanatynda, iň döwrebap tehnologiýalar bilen öndürilen Iris-T SLM kysymly howa goranyş ulgamlarynyň ilkinji tapgyrynyň öňüzmidäki günlerde ukrainalylary täsirli ýagdaýda goramak üçin taýar boljakdygyny habar beripdi.
Germaniýanyň Goranmak ministrligi hem Iris-T SLM kysymly howa goranyş ulgamlarynyň döwrebap tehnologiýa eýedigi we Germaniýanyň Ukraina jemi 4 sany Iris-T SLM kysymly howa goranyş ulgamyny berjekdigini aýan edipdi.
