İron və Azərbaycan Respublika miyono əloğəon bə inkişofi tərəfe.

İroni prezident aparati rəis zinə de Azərbaycan Respublika prezident aparati sədr Ramiz Mehdiyev iyən çın kişvəri Əmniyyət Şura sədr mıloğatış kardə ijən bo ticari və iğtisodi hevujə həmkarion xoto bə mıştərikə zərfiyəton iyən mıvcudə istidadon istifodə karde təkidış kardə.

Məhmud Vaezi İron və Azərbaycan Respublika miyono əloğəonış bə inkişof və mısbətə ğədəmon tərəf hisobış kardə ijən votışe: İron və Azərbaycan Respublika ıştə təcrubə və texnoloqiyaon ovoştoniyero kamilən hozzoe ijən bo siyasi, mədəni, ticari, iğtisodi və iştimai əloğəon inkişof doero hiç məhdudiyəti zındə ni.

İroni prezident aparati sədr bə Tehroni nəzəku islamiyə kişvəron ərazi təmamiyyəti oqəte iyən məntəğə bohranon de sulhinə roon həl karde işorə və təkidış kardə: çı məntəğə dıvləton iyən milləton kardə bəznin deştə dustanə iyən çokə rabitəon məntəğədə xarıciyə kişvəron mıdoxiləon vəy bıqətin.

Ramiz Mehdiyev həm bə İron və Azərbaycan Respublika prezidenton ciddiyə iradə bo əloğəon inkişof doe işorəş kardə ijən həmkarion hevuj kardero bə səy və cəhdon ziyod karde təkidış ka.

Ğeyd kəmon ki İroni prezident aparati sədr Məhmud Vaezi çı ımsornə sori islamiyə i bemon beynəl xalğiyə iclosi din və mədəniyəton miyono votımon nomo bıə kamissiyadə bə orəx rəse mərasimdə iştirok kardero bə Azərbaycan Respublika səfərış kardə be.