Suriyədə çı Tırkiyə hərbiyə əməliyaton fəğət Əfrinədə məhdud ni.
-
Suriyə şimalədə bıə kırdə ğıvvon.
Çı Tırkiyə Yeni Şəfəğ rujnomə elanış kardə ki Suriyə şimalədə Əfrin məntəğədə Tırkiyə hərniyə əməliyaton fəğət Əfrinədə məhdud nibəbe ijən hərbiyə ğıvvon de Suriyə ozod hərbion pidəşone 170 kilometr çı Suriyə zəmini terruristiyə qrupon dastiku ozod bıkən.
Yeni Şəfəğ ğeydış kardə bə 20 həzo nəfər nezi hərbi bə sərhəddon vığandə bıən ijən 15 həzo nəfər çı Suriyə ozodə nomo bıə nimə hərbi qrupi həm ıştəni hozzo kardən.
Jəqo ki elan be lm əməliyat Ğələsaman və Əfəriniku bino bıdə ijən məntəğədə çı Tırkiyə vey yolə əməliyat hisob bəbe.
Əfərn 500 həzo nəfər cəmiyət iyən 340 qılə diş heste ki kırdə xalığ mudafiə qrupon ixtiyorədəy.
Tırkiyə rəsmion vindemoniku Suriyə şimalədə bıə kırdə ğıvvon bə P.K.K vabəstə bey xoto ijən de xarıci kişvəron hərbiyə koməkon hejo Suriyə şimal iyən Tırkiyə cənubiyə sərhəddonədə qıləy mıstəğilə kişvəri soxtə fikədən ki vey bə Tırkiyə mənafe əleyh hisob bedə.
