Azərbaycan Respublika islam partiya rəisi caneşin de İron əloğəon inkişofi tələbış kardə.
Bə İrib raporti əsos bə Azərbaycan Respublika islam partiya məhbusə lider doktor Muhsen Səmədovi ehtırom karde məxsusə mərasimədə çın partiya rəhbəri caneşin Haci İlham Əliyev votışe: ım ki əmə de İron İslam Respublika rabitə və əloğəon hevuj karde tələb kardedəmon 2 qılə kişvəri miyono dini və mədəni əloğəon xotoe.
Azərbaycan Respublika islam partiya rəisi caneşin əlovəş kardə: ımruj çı dınyo yolə siyasətçion bə İroni Yolə Rəhbər Həzrəte Ayətullah Xamenei tədbir iyən rəhbərti etırof kardən və 100 milyon nəfəriku vey mısılmonə cəmaəton əvışon bənə olqo hisob kardən.
Hocci İlham Əliyev ijən bə zindoniku doktor Muhsen Səmədov ozodəti təkidış kardə.
Azərbaycan Respublika islam partiya rəis doktor Muhsen Səmədov Azərbaycan Respublikaədə bə hicabi ğədəğən karde ğanuni etıroz karde xoto hərorətinə nıtğon bəpeştə dəstqir ijən bə 12 sor həbs məhkum be.
