Tırkiyə hərbiyə təchizaton bə Suriyə sərhəddon varid be.

Bə rəsə xəbəon əsos çı Tırkiyə cənub Hatay ostanədə çandə Tırkiyə hərbion və təchizaton hozzo bıə ta Suriyə şimal ğərb Hələb ostanədə bıə Əfərin şəhri ehtemaliyə əməliyatiro bə Suriyə varid bıbun.

Bə Tırkiyə Anadoli raporti əsos vey hərbi maşinon iyən təchizaton zinə Reyhanli şəhriku bə Suriyə sərhəd Hatay ostan varid bən.

Tırkiyə hərbion həm bə Şanli Orfə ostan çı Tırkiyə ərtışi tojə əsqəron və himoyə əkə ğıvvon omeku xəbə dodən ım qrup deştə təchizaton çand kərə Əfərin şəhri ətrofədə bə kırdon huccum kardən.

Tırkiyə prezident Rəcəb Təyyeb Ərdoğan həm tojədən ım kişvəri hərbi ğıvvon bə Suriyə Əfərin şəhri huccum karde barədə xəbə doeş be.

2016 nə sori Aqusti 24 nə rujiku Forati sipər nomo bıə əməliyat Suriyə şimalədə bino be və Tırkiyə elanış karde ki de həminə əməliyati pidəşe Suriyə şimalədə və 5 həzo kilometr çı Suriyə sərhəddiyə zəmini baxşonədə əmnə məntəğə icod bıkə.