Ticarət sahədə İron və Ermənistoni miyono əloğəon.

Ermənistonədə İroni səfir İroni məhsulon çımiku vey bə Erməniston sadir kardeku xəbəş do.

Bə İrna raporti əsos İrəvanədə İroni səfir Seyed Kazem Səccadi bə İrəvan- Tehroni miyono rabitə və əloğəon inkişofi işorəş kardə və votışe: Meğri nomo bıə ticari ozodə məntəğə bo iğtisodi həmkarionro 2 qılə kişvəri sərhədədə bənə qıləy parde.

Əv İroni taciron və iğtisodi fəalonku tələbış kardə ki bə Erməniston məhsulon sadir kardero ım ozodə məntəğə zərfiyət iyən hozzo bıə fırsətiku istifodə bıkon.

Səcadi İrvanədə İronıjə şirkəton, mudiron və iğtisodi bəzi rəsmi şəxson vindımonədə əlovəşon kardə: İronıjə taciron karde bəznin Avrasiya kişvəronədə bıə vıjoron bə dast varde kənoədə ıştə məhsulon vey rohət bə Avropa həm sadir bıkon.