İron və Ermənistoni miyono ticarəti miğdor 10 faiz ziyod be.

Ermənistonədə İroni ticarət mışovir votışe: dəvardə miladi sorədə 2 qılə kişvəri ticarət miğdor 10 faiziku vey rost bıə.

Bə İrib raporti əsos Ermənistonədə İroni ticarət mışoviyə Hamayak Avadis Yans təkidış kardə ısət İron və Ermənistoni miyono ticarəti miğdor bə 270 milyon dollar nezi rəsə.

Əv İroniku bə Erməniston 180 milyon dollariyə ixracatiku xəbəş do ijən təsdiğış kardə: mıştərəkə ticarət palata fəaliyəti ziyod bey ijən İronıjə taciron i bemoni bino bey bəpeştə həmçınin Avrasiya iğtisodiyə i bemoni çandə mığoviləon iyən texniki cəhəto koon əncom bey bəpeştə bə nəzər oməydə ki omə zəmonədə ım miğdor ticari həmkarion çımiku vey ziyod bəbe.

Tojədən xəbə omə ki İroni enerji vəziri moavin Homayon Haeri iyən Hayk Hartoniyan çı Ermənistoni enerji və təbie mənbəon vəziri moavini miyono tojə vindemoni bəpeştə çı Ermənistoni 400 kilo volti ruşnə ovoştoniye 3 nə xət bo İroni enerji təmin kardero detosə omə sori komil və bə İron ruşinə varid kardero fəaliyəti bino bıkə.