Azərbaycan Respublika siyasiyə fəalə şəxsiyyət İroni islamiyə inğilabi erjiku işarəş karde.

Azərbaycan Respublikaədə siyasiyə fəalə şəxsiyyəti votışe: ironi islamiyə inğilab ilahiyə neməte ki fəğət bə ironi anqil ni və bə dınyo mıslmonon aide.

Bə İRNA xəbon əsosi Haciağa Noriyev zinə islamiyə inğilabi səbərzəti 39 nə sorəqardışe mınosibətiku bə ironi devlət və milləti təbrikış vote və ıştə sıxanon dəvomədə əlavəş karde Azərbaycan Respublika millət ironi islamiyə inğilabi ıştə inğilab zındən və bəy fəxr kardən.

Azərbaycan Respublika sıpirişon islamiyə partiya nakonə rəis və əçəy şura ısətnə uzv Hacağa Noriyev əlavəş karde ımruj İron İslam Respublika məntəğədə həmmə islamiyə məmləkəton tərəfdare mincumlə Azərbaycan Respublika devlət və millətiku həm tərəfdarəti kardə və dəvardə 39  sori mıddətdə nışonış doə bə Xıdavəndəxalıği təvəkkul kardeədə bəbe zuəvoton vədə mande.